بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بعد الزواج صارلي سنه ونص ماحملت والكل قعد يسولف علي الله يسامحهم، حسيت بضغط وقمت اراجع واخذ ابر منشطه مع اني فحصت ومافيني شي بس ليش مايصير الحمال الله اعلم الشهر الي طاف حملت وماتم الحمال بالاسبوع السادس قالولي الاطباء مافي جنين بكيس الحمل وقبل امس سويت تنظيفات وقررت ان محد يدري بالي صار والله يعلم بحالي ،قررت اني التزم بقراءة سورة البقره والله كريم، الي تقرى موضوعي ابيها تدعيلي جزاكم الله خير .. الضيقه والوحده ذابحيني وكل شوي ابجي حتى اني ماعرف بعد التنظيفات شنو اسوي او شنو أخذ وهل اعتبر في فترة نفاس وحتى لوكنت اعتبر في فترة نفاس مادري شنو آخذ من اعشاب ومن وين إلي تقدر انها تساعدني ارجوها انها تساعدني لاني فعلا خايفه وحالتي ما يعلم فيها الا الله سبحانه والله كريم.
بعد الزواج صارلي سنه ونص ماحملت والكل قعد يسولف علي الله يسامحهم، حسيت بضغط وقمت اراجع واخذ ابر منشطه مع اني فحصت ومافيني شي بس ليش مايصير الحمال الله اعلم الشهر الي طاف حملت وماتم الحمال بالاسبوع السادس قالولي الاطباء مافي جنين بكيس الحمل وقبل امس سويت تنظيفات وقررت ان محد يدري بالي صار والله يعلم بحالي ،قررت اني التزم بقراءة سورة البقره والله كريم، الي تقرى موضوعي ابيها تدعيلي جزاكم الله خير .. الضيقه والوحده ذابحيني وكل شوي ابجي حتى اني ماعرف بعد التنظيفات شنو اسوي او شنو أخذ وهل اعتبر في فترة نفاس وحتى لوكنت اعتبر في فترة نفاس مادري شنو آخذ من اعشاب ومن وين إلي تقدر انها تساعدني ارجوها انها تساعدني لاني فعلا خايفه وحالتي ما يعلم فيها الا الله سبحانه والله كريم.
اتوقع انج بس اسبوعين او ثلاث تتنفسين وبعدهاا عادى بس روحى الحواج واشترى اعشاب تشربينهاا مثل الجاى وان شاءالله البنات يساعدونج بعد
وشكرا
دامج حملتي تقدرين تحملين
بس توج 6 اسابيع مو شرط يبان الجنين من الأول !؟
ع العموم دام الحمل صغير تقدرين تحملين على طول من اول شهر …
انا مثلج توقف نبض الجنين في الاسبوع السابع وسويت تنظيفات بعد تقريبا شهر من دريت ان النمو متوقف عشان أتأكد ..
وحملت بعد دورتين
يعني شهرين .. والله يتمم علي ياااااااااااااااارب ..
بس اللي اعرفه ان الحين الدم اللي ينزل عليج مو دم نفاس ولازم تصلين .. وسألي شيخ دين بعد افضل ..
وربي يعوضج خير ان شاء الله
الله يعوضج عن قريب يااااااااا رب
6 اسابيع صغير ليش استعيلتي وسويتي تنظيفات
الحين اخذي لهوم ودارسين ومرميه وتدفي عدل مدل
وان شالله ياااربي ما تييلج اخت النفااس وتبشرينه بحماالج
انا نفسج حملت بجيس فاضي وصارلي سنه من زواجي وطيحت قبل ثلاث اشهر وللحين ماحملت الحمدالله على كل حال بس انتي لاتحاتين ومثل ماقالولج الخوات اخذي ادويه نفاس لمن تنظفين
والله يرزقج انشالله بالذريه الصالحه
وعلى فكره في ناس يقولون انه الي تتعور يا انه تحمل علطول بعد العوار او تكمل سنه وتحمل…..