الاطفال والسفر بالسيارة ؟؟

ويييه .. هذاك اول كنا نسافر بالسيارة .. ألحين لا سفر ولا هم يحزنون .. الله يهنيكم ان شا الله ..
.
بفيدج بخبرتي لوول ..
.
.
أهم شي طبعا تكون السيارة وسيعة ونظيفة ومكيف .. عشان ما يتضايجون وتبدي المشاكل ..
.
يبيلهم غيم بويات او بي اس بي بس الغيم بوي ارخص بوايد على عددهم ولا ثنتين عالاقل واشرطة يديدة ونظمي الدور بينهم .. واشتري الشحن اللي تركب بالسيارة والليت مال الغيم بوي .. هالاكسسوارات والكله تلاقينه بمحلات شرق مالت الالعاب .. وصدقيني مارااح تسمعين لهم صوت ..
.
ووقفو عند لمحطات اللي بالطريج .. منها تعبون بانزين ومنها تريحون ومنها يشترون اليهال شغلات من بقالاتهم ..
.
واللي يحب القراية قبل السفر بيوم وديه مكتبة وخليه يشتري قصص اللي بخاطره..وهاذا بيلهي بعد ..
.
وواحد عطيه كاميرا منها تصورون ومنها يلهي يقعد يصور الطريج ,,
.
اهم شي شوفي اهتمامات عيالج ووديهم قبل السفر بيوم خليهم يشرون العاب وقصص واشرطة غيم بويات ولا بي اس بي .. وخشيهم عندج .. وعطيهم على دفعات ..

.
بسس هاذا اللي عندي .. واللي اذكر كنا نسويه ..