بنات ابي مساعدتكم
بنات انا عندي بنت عمرها سنتين ويبتها وكان عمري21 بس والله بنات حدي حايسه فيها صج انها الحين وايد صارت احسن بس مو قادره اعيش حياتي طبيعيه معاها ليلحين لا وظيفه ولا هم يحزنون صارلي 3 سنين متخرجه مو عارفه وين اوديها خصوصا انه خالتي وامي ما يعرفولها يبيلها عنايه خاصه وحتى الخدامه لكم عليها والسستر الخاصه احرقتنا وايد غاليه هذا شي والمشكله الثانيه اهيه النوم بليل بنات انتوا تدرون الي فيهم شلل دماغي ما يبلعون وهالي يخلي البلغم عفوا على هالكلمه يتجمع بالصدر وتعالوا سمعوا الاصوات بليل وكل شوي لازم اشفط لها بالجهاز فتخيلوا عاد معناه النوم كل يوم والله بنات احس اني صرت مريضه لاني مو قادره انام بهدوء وحتى زوجي بس انا اكثر لاني احطها يمي وانا الي اجابلها على طوول والله مادري شسوي والمصيبه انه اطفال الشلل مو مثل التوحد مالهم اماكن خاصه تدخلينهم مثل حضانات ومدارس ,,,,, ساعدوني الله لا يهينكم ابي حل والله بخاطري اتوظف احس نفسي انقطعت عن العالم وانعزلت حتى علاقاتي مع الناس خفت وايد مو قاعده اختلط مع الناس ياريت تفيدوني …
وعذرا على الاطاله .
بنات ابي مساعدتكم
بنات انا عندي بنت عمرها سنتين ويبتها وكان عمري21 بس والله بنات حدي حايسه فيها صج انها الحين وايد صارت احسن بس مو قادره اعيش حياتي طبيعيه معاها ليلحين لا وظيفه ولا هم يحزنون صارلي 3 سنين متخرجه مو عارفه وين اوديها خصوصا انه خالتي وامي ما يعرفولها يبيلها عنايه خاصه وحتى الخدامه لكم عليها والسستر الخاصه احرقتنا وايد غاليه هذا شي والمشكله الثانيه اهيه النوم بليل بنات انتوا تدرون الي فيهم شلل دماغي ما يبلعون وهالي يخلي البلغم عفوا على هالكلمه يتجمع بالصدر وتعالوا سمعوا الاصوات بليل وكل شوي لازم اشفط لها بالجهاز فتخيلوا عاد معناه النوم كل يوم والله بنات احس اني صرت مريضه لاني مو قادره انام بهدوء وحتى زوجي بس انا اكثر لاني احطها يمي وانا الي اجابلها على طوول والله مادري شسوي والمصيبه انه اطفال الشلل مو مثل التوحد مالهم اماكن خاصه تدخلينهم مثل حضانات ومدارس ,,,,, ساعدوني الله لا يهينكم ابي حل والله بخاطري اتوظف احس نفسي انقطعت عن العالم وانعزلت حتى علاقاتي مع الناس خفت وايد مو قاعده اختلط مع الناس ياريت تفيدوني …
وعذرا على الاطاله .
ويعينج على مصابج
بس ابيج تفكرين بشغلة جدا بسيطة
ربي عطاج هدية من اهل الجنة ببيتج تشيل من ذنوبج وتغفرلج يوم القيامة يهون التعب كله
ادري حبيبتي انج ببداية حياتج وتبي تعيشينها ومحد يلومج او يقدر ينكر بس صدقيني لوماانج تحبينها وماتهون عليج جان ماقعدتي بدون وظيفة
جان قليتيها علي السستر او حتي الخدامة
لانج ام عظيمة راح تصبرين وتتقين لانها مالها الا الله ثم انتي
صدقيني باذن الله بتصير احسن واحسن وتحسين بالفخر وراح تدخلين معانا تشجعين الامهات الجدد اللي الله سبحانه اختارهم بالعطية
يالله سولفي لنا عنها علشان اشوف منافسات بنتي علي الخطاب
عندنا مجموعة تينن من الشباب قاعدين يجمعون المهر من الحين
شسم القمر ياقمر
بعت الدنيا كلها وشريتها حتى الثانويه ما كملتها وما ارضى أي أحد يلمسها لأنها في ذمتي ومحد راح يحن عليها كثري ألحين عمرها 5سنين توني أجيب خدامه للبيت بس وإن أنشغلت تنتبه لها بس لانها مسكينه لاتشكي ولاشي فأخاف أحد يأذيها
أما النوم فودعته من يوم ماولدت بعض الأحيان والله ما أنام في اليوم إلا ثلات ساعات والناس نسيتهم ونسيت الطلعات كلها لخاطرعيون جودي
الله ياجرني وأياك و كل أم عندها طفل معاق يارب
أحتسبي الاجر حبيبتي
إذا بغيتي شي أنا بالخدمه عزيزتي
ربي يشافي بنيتج ويطمن قلبج ويصبر عليج يارب ويهون عليج
انا كانت عندي حاله نفس بنتج فيها شلل بالدماغ وكانت ماشاءلله لا اله الا الله قمر تهبل
اسمها فجر وكان على طول انا اوكلها عن طريق القسطره والله يوم حطوها عندي كنت اشوفها وادمع
مع اني اول مره اقعد اعطيها اكل واحط لها الحليب بالقسطره تقعد تناغي وربي افرح
وخصوصا اذا نومتها ع السرير تبطل عيونها غير وتبتسم وغير خصائيه العلاج الطبيعي كانت حيل مستانسه عليها
ترا كل ما تكبر انش اءلله بتخف وتتحسن
ربي يطمن قلبج يارب ويرزقج الاجر والثواب
..
بس ماقدر اشتغل قلبي مايطااااااااوعني اخلي ولدي
مع ان حالة ولدي مو مثل حالة بنتج الحمدلله احسن بس متحمله عشانه
صج ان ودي اشتغل ويصير عندي معاش والحمدلله شهادتي
زيينه بس مااااااقدر اخلية
ليش ما اتيبين لها سستر من معاش بنتج تقريبا معاشها 70 او 80
دينار رفيجتي مسويه جذي وحاطه كاميرا وقايلتها ترى في كاميرا
والسستر تدري قصت عليها قالت الدكتور قال لازم اصور التشنجات
والحين اهيا مرتاحه تشوف كل شييي
بنات انا عندي بنت عمرها سنتين ويبتها وكان عمري21 بس والله بنات حدي حايسه فيها صج انها الحين وايد صارت احسن بس مو قادره اعيش حياتي طبيعيه معاها ليلحين لا وظيفه ولا هم يحزنون صارلي 3 سنين متخرجه مو عارفه وين اوديها خصوصا انه خالتي وامي ما يعرفولها يبيلها عنايه خاصه وحتى الخدامه لكم عليها والسستر الخاصه احرقتنا وايد غاليه هذا شي والمشكله الثانيه اهيه النوم بليل بنات انتوا تدرون الي فيهم شلل دماغي ما يبلعون وهالي يخلي البلغم عفوا على هالكلمه يتجمع بالصدر وتعالوا سمعوا الاصوات بليل وكل شوي لازم اشفط لها بالجهاز فتخيلوا عاد معناه النوم كل يوم والله بنات احس اني صرت مريضه لاني مو قادره انام بهدوء وحتى زوجي بس انا اكثر لاني احطها يمي وانا الي اجابلها على طوول والله مادري شسوي والمصيبه انه اطفال الشلل مو مثل التوحد مالهم اماكن خاصه تدخلينهم مثل حضانات ومدارس ,,,,, ساعدوني الله لا يهينكم ابي حل والله بخاطري اتوظف احس نفسي انقطعت عن العالم وانعزلت حتى علاقاتي مع الناس خفت وايد مو قاعده اختلط مع الناس ياريت تفيدوني …
وعذرا على الاطاله .
هلا وغلا وحياج الله بينا
حياتي: اول شي الحمدلله على كل حال
اللي عليج تطلعين لها شهادة اثبات اعاقة وتفتحين لها ملف تعليمي وفي مدارس وحضانات تستقبلهم وموفرين لهم ستاف تمريضي وعلاج طبيعي وراح يعطيكم المجلس معاش لها بحدود 277 وتقدرين توفرين لها السستر او الخدامه الحنونه وتمشين امورج وماراح توقف الدنيا بالعكس خليج قويه ونظمي وقتج ونفسج لها حق عليج بالإهتمام والراحة وكل شي بهون صدقيني يقلبي .
وشوفي هالرابط كل شئ عن :الشلل الدماغي!!!! (http://www.q8yat.net/showthread.php?t=245667
لأجل نثبت للعالم كله أن حنا متحدين الحياه مع عيالنا بالصبر والرضى بالقضاء والقدر
انا ولدي نفس حالتج البلغم مأذي صدره وكمامات على طول غير الأكسجين اللي أحيانا ينزل عنده
انتي لا تتوظفين بمكان مدته طويله .. ولا تقطعين نفسج من الحياه طلعي وروحي النفس تحب النفس
لكن بحدود المعقول .. رتبي يومج مع يومه .. حتى لا يفقد وجودج ولا قلبج ينشغل عليه
والأخت حباري ما قصرت تقدر تعطيج اسم الحضانه وتشوفين اذا تستقبل ولدج
الله يسخر لج امره .. ويريح قلبج .. حنا هني لج خوات دنيا باللي تبينه
شاركي معانا فضفضي وطلعي همومج والله اني من شاركت وتكلمت تغيرت حياتي للاحسن كنت احس اني بروحي محد حاس فيني لقيت الكل هني فاهمني وحاس باللي انا فيه..
شاركي معانا فضفضي وطلعي همومج والله اني من شاركت وتكلمت تغيرت حياتي للاحسن كنت احس اني بروحي محد حاس فيني لقيت الكل هني فاهمني وحاس باللي انا فيه..
الي اقدر اقوله الله يسخرج لهاا اكثرر واكثرر
والله يعطيج الصحه والقوه وسعة الصدرر
وترا انا نقس حالتج بالظبط وبنتي الحين عمرها15 سنه
ما احد يعتني فيهاا غيري وانا ما ارضى احد يلمسها انام واقعد معهاا
والحمدلله على كل حااال صحيح بالبدايه صابني احباط واكتئااااب وتعبت
بس تاقلمت وتفهمت الوضع وكثرت استغفاار ولاازلت استغفر والحياة تستمرر ..
خلونا نفيد ونستفيد …
انا ابي سستر لولدي … بغيت استفسر اذا فيه سستر تخصص علاج طبيعي يعني تكون معاه 24 ساعه ولا بس السسترات بشكل عام حق كل شي يا ليت تفيدونا …
وهم بغيت اسألكم عيالكم انطقوا يعني ماما بابا اي شي ولا بعد …؟؟؟