الام مسافرة والابو الله يستر عليه

السلام عليكم

بنات ابي رايكم بهالموضوع الله يخليكم

رفيجتي توها داقه علي ميته من البجي السالفه وما فيها

اهي اخوانها كبار كلهم متزوجين .. وبس باقي اهي وعمرها 20 الله يوفقها

امها مسافره مصر عند اخوها اللي يدرس وبترجع هاليومين تقول بالعادة انا اناااااام لي الظهر كل يوم على هالحال

اليوم تقول بروح الجمعية وقعدت عالساعه 10 ابي الخدامه تكويلي قميصي ادق ادق ما ترد الخدامه ؟؟ وينها

نزلت تحت ابي اناديها ولا باب الدري مسكر بالعادة مفتوح واسمع صوت التلفزيون تدار المعيشة ابوي اكيد يشوف التلفزيون خل اسلم عليه وافاجأه

تقول بطلت الباب بكل هدوء

ولا شتشوف الخدامة بحضن ابوها شي يعور القلب والله ؟؟

وتقول الخدامة بسرعه ولا جنه في شي

تقول جان اقول حق ابوي شالسالفه شهاللي قاعدة اشوفه ؟

جات تعطي الخدامة طراق

يقولها ابوها قاعدة تهمزني شفيج يا بنيتي لا تفهمين غلط ؟؟؟؟؟؟؟؟

جان تصارخ وتقول حق ابوها تهمزك بحضنك قاعدة ؟؟

بعدين مالها حق تحط ايدها عليك او تهمزك يوبه واهو الريال معروف عنه من البيت للمسجد والمشكله عمره فوق السبعين !!

جان ناديتني وانا اهمزك انا بنتك عمرك ما قعدتني بحظنك جذيه .. عمرك ما لميتني ولا مسحت على راسي وانفجرت البنت مسكيييييييييينه

وقالت حق ابوها اذا امي مقصرة معاك لك الحق باربع بس مو هالوصخة تحط عينك عليها .. جان بقول اهي يتلي !! قالتله الشرع محلل 4 ومحد له حق يتكلم

الابو تحسف ويقول حق البنت سامحيني قالتله ربي يسامحك ويهديك

جان يقولها ستري علي لا يدرون اخوانج .. قالتله الله يستر عليك ان شاء الله واهو يبوس ايدها

القهر ((( ليش يوصل روحه لهالمستوى يترجى بنته واهو كان مثال للأخلاق كانت تقول ان شاء الله آخذ واحد مثل ابوي من المسجد للبيت )))

البنت قالت لأبوها عطني جوازها وفلوس التذكرة ماراح تقعد ولا دقيقة بهالبيت وراحت حجزتلها ..

بس والله مقطعه قلبي

شرايكم باللي صار