الانفاس ضيقة والدموع انهار

نمشي في الجنازة نسحب خطاوينا
الانفاس ضيقة والدموع انهار
نبكي ناس راحلين عنا
كنا عندهم من كنا صغار
كبرنا وعيونّا ترمقهم
من سواد شعورهم لين الشعر شاب
مرة نفرحهم ومرات نكدرهم
مرة نقول الخطا اخر مرة
تكفون خلونا في قلوبكم احباب
نقسي عليهم اكثر من قسوتهم
واذا زعلنا صكينا ورانا الباب
زعلهم لانهم يحبونا وزعلنا بزعمنا اننا صرنا اكبار
نبقاهم يسمعون منا
سمعنا منهم وراه جدار بعد جدار
احنا منهم ولهم لو تذكرنا
لكن صروف الوقت ضيعت الافكار
ابوك وامك مهما عملت معهم
يحبونك وانت لمعروفهم نكاّر
واذا جا وقت الفراق
ارجولك ما تشيلك
ودموعك صايرة انهار
يدك تتجمد وهي تدفنهم
تتمنى لو فيه دقيقة تعتذر

لكن وين تنفع الاعذار
كن لهم مدامك معهم
ولا يكونون في بالك فقط تذكار