البطاطس بالباشميل ~

السلام عليكم

مساكم مسك وعنبر ان شاء الله اموركم بخير

سويت صينية بطاطس بالباشميل وحبيت اطرحها لكم وان شاء الله تعجبكم

المقادير

انتو تحددوا كميتها بنحتاج

بطاطس
بصل
فلفل رومي
معجون طماط
لحم
ملح وبهارات منوعه
للتغطية باشميل اما الخلطة الجاهزة او تسوينها اللي يريحج

الطريقة

1- نسلق البطاطس ولما يستوي نهرسه زين

2- نشوح بصل بالقدر لغاية مايصير لونه ذهبي ونضيف معاه الفلفل الحلو واللحم ونضيف الملح والبهارات اللي نحبها ولما نحس قريب يستوي نضيف معجون الطماط ونخلطهم زين

3- نجهز الصينية ونحط طبقة من البطاطس تحت وبعدين حشوة اللحم وعقبها طبقة بطاطس مر ثانية ونغطيها بالباشميل

4- ندخلها الفرن حتى تتحمر وهذا الشكل النهائي لها

وبالعافية