التأتأة . شنوووووو الحل ,,, ساعدوني

وساعات يتأتأ مو على طول ويعلق عالكلمه

مادري اخاف اتم وياه هالسالفه وايد وتاثر عليه

بنتي مدلعه ومدلله يعني صارت معاها التأتأه واهيه سوالفها حلوه كان عمرها سنتين
الحين ثلاث سنوات وماشاء الله والحمدلله مافيها شي

قالولي الدكتور الفلاني والمكان الفلاني بس علاجه يبدأ معاج انتي

علميا يسمونه كلام طفولي

شوفي اذا اهوه خايف من شي يمكن الظلمه او ينام بروحه
ترى الخوف له تأثير كبير انتي طاقته مره
ترى مو شرط انج من النوع العصبي او احد امصرخ عليه ترى كل هلأشياء لها تأثير حتى والله الخدم يأثرون يمكن اتنقز عيونها عليه

او اذا اهوه من النوع المسولفجي وسوالفه حلوه

دوري السبب واذا عرفتيه نجي للحلول

اولا زيدي ثقته بنفسه
تمالكي اعصابج معاه
اذا تأتأ لا تحاولين تصلحين له نطريه يخلص كلامه
اذا تأتأ لا تحاولين اتبينين له انه كاسر خاطرج عادي
الي حوالينج لايطنزون عليه عاد احنا اهلنا الله خير للشماته
القرأن القرأن والله حفظالقران يعدل اللسان
انا بنتي والله كانت تقول بس حرفين وتحط ايدها على حلجها وتقول ما اعرف

وعلى فكرة الغيره لها دور اذا كان عندج بيبي ثاني

اتمنى اكون افدتج