بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بنات انا ودي احكي لكم معاناتي لانكم حسبة خواتي انا صار لي متزوجة 4 سنوات وريلي ماياكل برمضان غير التشريبة وانا كل فترة زواجنا كنا برى الكويت ندرس فكان عندي سبب قوي ان هناك ماكو خبز رقاق حق التشريبة.gif "Eh S(3)")
بس الحين ردينا وصار يقط نغزات ويقول ترى الخبز رقاق ترس الديرة ابي كل يوم تشريبة وانا حدي ما اعرف شلون اسويها ودي انكم تعلموني بالصور شلون اسويها خطوة خطوة والله اني حدي منحرجة كل ما قرب رمضان.تكفون بتساعدوني انا ابي وحدة تقولي شسوي بالصور نفس طريقة الاخت دموع الكويت بطبخاتها.gif "Eh S(8)")
بنات انا ودي احكي لكم معاناتي لانكم حسبة خواتي انا صار لي متزوجة 4 سنوات وريلي ماياكل برمضان غير التشريبة وانا كل فترة زواجنا كنا برى الكويت ندرس فكان عندي سبب قوي ان هناك ماكو خبز رقاق حق التشريبة
شوفي هالرابط
حبيبتي
الله يعطيج العافييييييييييه
وبالعافيييييييييييييييه عليكم
سوي مرق لحم عادي
وتشربين الخبز الرقاق فيه
أنا شخصيا ما احب التشريبه
حبيبتي
مشكوووووووووووووووره
عيد الفرح
واي يا حلاة هالدعاء حبيبتي
وأجمعين يا قلبي
عيد الفرح حبيبتي بحط لج الرابط هذا فيه الطريقه بالتفصيل يالغاليــــه…
http://www.q8yat.net/showthread.php?…D4%D1%ED%C8%C9
وأي سؤال أنا حاضرة …..
هذا كان وصف الاخت نفنوف مكشكش الله يجزاها خير بس عندي كذا استفسار واتمنى تساعدوني اول شي, اللحم قالت الاخت تحطة ني وتحمسة وبعدين تضيف الماء طيب انا اللحم يطول لين يستوي معاي يعني مو اقل من ساعة او اكثر مع ان الكمية قليلة فاذا مشيت على طريقتها الماء بيكون كلة زفرة من اللحم انا افيحة بروحة بس ماياخذ طعم الحمسة!!!!!!!
وشلون تسير الخضار حيل مستوية خاصة البطاط والجزر ومشكورين
تغسلين اللحم عـدل عدل عـدل بعدين تحمسينه بالبصل والثوم راح تروح الزفرة مع الحمسـه وبعدين ماراح يكون زفر لأنج مغسلته عدل وحامستله عدل بالبصل والثوم والفلفل الأسود والبهارات الباقيــــه….
والخضرة ممكن تحطينها بنص الوقت يعني لما يكون اللحم مستوي نص سوا مو شرط من أول شئ…
تقدرين تحطين خبز الصاج اللي في الجمعيه بدااال رقاااق يصير
روووعه مثل المرقوووقه
حطي اول طبقه من خبز الرقاق عقب ما تكسرينه وصبي فوقه المرق وغززيه بالشوكه علشان يتشرب المروق
تكونين مجهزه الخلطه الآتيه
((بصل مقصص صغااااااااااااااار مخلوط بذرة سكر وبزار(بهارات) ))
تاخذين شويه من هالخلطه وتحطينها فوق الرقاق
تالي تحطين الطبقه الثانيه بنفس الطريق
الى ان توصلين للطبقه الاخير وطبعا على الويه بتحطين اللحم والخضره الي بالمرق
نثري فوقهم الي يبقى من الخلطه الي عندج
صدقيني ريلج بيغيب على التشريبه ان شاءالله وبيقول ماشاءالله عليها مرتي صج سنعه.gif "Eh S(15)")
ملاحظه البزار انا مرت خالي يايبته لي يزاها الله خير من السعوديه يهبل
فرحتني هالجمله.gif "Eh S(7)")
مشكووووورة يا الغالية ما قصرتي
ان شاءالله اذا الله بلغنا رمضان راح اصورلج الطريقة بس الحين صعب اشوي ):
امي الله يعطيها طولت العمر ما تسوي الا برمضان .
طريقة امي عجييييييبه تخليج تاكلينها وتبين بعد
الغالية دموع الكويت لازم تفرحين انا ماقلت اللا الصدج انتي مميزة باي طبخة تحطينها وشغلج حيل منظم عيني عليج باردة والحق ينقال اذا في ناس مثلج تبذل مجهود بس عشان تساعد الغير تستاهل نقدرها ونذكرهابالخير الله يذكرج بالملاء الاعلى انشاء اللة
جيبي الجدر وصفي اللحم بشكل مرتب بحيث يترس قاع الجدر وحطي فوقه البصل المقطع والثوم والطماطم والكوسا والبطاط والباذنجان واذا فيه قرع هم احلى بس كله مقطع قطع كبيرة شوي عشان مايذوب وفوقهم تكونين فارمه بقدونس وكزبرة وشبنت وتحطينة على النار وخليه ياخذ وقته بالطباخ الى ان تطلع ريحته وتحسين الماي تحت قل ابتدي حركي الى ان يتجانس كله مع بعض وحطي بهاراتج اللي اهي كركم وفلفل اسود وكزبرة ناشفه وممكن تكتفين فيهم واذا تبين زيدي شوية بهارات عادية بعدين حطي الماي المغلي وخليه الى ان يستوي اللحم ولا يصير المرق ثقيل خليه خفيف عشان تشربين كل ماثقل زيديه ماي ااااخر شيء حطي الملح ولمن يخلص
جيبي صحت عميق وقطعي الخبز الرقاق او الايراني وابتدي شربيه بماء المرق بس مع تحريكه بقفشع عشان يتشرب عدل واااخر شيء حطي اللحم والخضار
وانا عندي خلطة احطها على التشريب اللي اهي قليل جدا من الصبار مع بصل مقصص صغير جدا وشوية كزبرة خضراء ولومي اسود وبالعافية