بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم …
احتاج نصايحكم يا بنات حواء خصوصا للأمهات احتاج خبراتكم
ان شاء الله انا على وشك ولادة وعسى الله يهون علي ويسهل علي ويرزقني بالمولود الصالح المعافى من الأمراض والعيوب والتشوهات وعسى الله يقومني بالسلامة
( لوووول قاعدة أدعي حق نفسي من الخوف )
شنو تنصحوني بالتعامل مع الياهل حديث الولادة خصوصا ان الياهل يكون بجاي ويصيح وما أقدر أفهم له لان انا أم لأول مرة 
وحدي متخوفة من هالتجربة خصوصا ان انا أحب النوم والهدوء وراح تتغير حاتي إلى مسؤولية أكثر زائد حنه وصياح
وشنو الأدوية الزينة للياهل الرضع
والتعامل معاه
أفيدوني
مشكورين
الله يعطيكم العافية
السلام عليكم …
احتاج نصايحكم يا بنات حواء خصوصا للأمهات احتاج خبراتكم
ان شاء الله انا على وشك ولادة وعسى الله يهون علي ويسهل علي ويرزقني بالمولود الصالح المعافى من الأمراض والعيوب والتشوهات وعسى الله يقومني بالسلامة
( لوووول قاعدة أدعي حق نفسي من الخوف )
شنو تنصحوني بالتعامل مع الياهل حديث الولادة خصوصا ان الياهل يكون بجاي ويصيح وما أقدر أفهم له لان انا أم لأول مرة
وحدي متخوفة من هالتجربة خصوصا ان انا أحب النوم والهدوء وراح تتغير حاتي إلى مسؤولية أكثر زائد حنه وصياح
وشنو الأدوية الزينة للياهل الرضع
والتعامل معاه
أفيدوني
مشكورين
الله يعطيكم العافية
رفع
البجي له اسباب في جهاز ( واي كراي ) يحدد سبب البجي
عموماً
اما يوعان
وصخ
مغص
الطفل يحتاج الى رضعه كل ساعتين تقريبا
و مع ازدياد الارقام تطول الفتره بين الرضعات
تتبدل حفاظته كل ساعتين
ملابسه نظيفه و تناسب الحراره
بين الرضعات ياخذ غاز بامبي او ماي غريب
او ماي و ينسون او اي اعشاب مفيده للياهل
و اهم شي يتريع عقب الرضعات على طول
قمطيه و اهتمي فيه
لا تشيلينه طول الوقت لان لو تعلم على الشيل بيذبحج والله
الجو ان كان بارد لا تسبحينه
لكن السباحه تخليه يصحصح
لما تشوفينه مستعسر دفي زيت زيتون
و مسحي على بطنه و جسمه و لا يحوشه هوا
اي شي اتذكره راح اكتبه لكم
احس اني نسيت !
منكم نستفيد
التعامل مع الياهل
اذا انتي تحبين النوم نفسي
فبصدمج بشغله ان الياهل بهالفترا
ينام ساعتين الى ثلاث ساعات متواصله !!!
يعني قولي للنوم باي باي !!!!
لازم احد يكون معاج يساعدج عليه !
انا يبت سسترات باليل لان انا كنت تعبانه
واذا يا النهار انا امسكها …
بالنسبه لبعض الامهات يعطون ادويه تنوم الياهل
وهذي بروحها تخوف !!
انا حدي ماي غريب !! حيل كافي للياهل
وانصحج من فترا لفترا دهنينه بزيت زيتون !
لاتعطينه سكر نبات مع ماي لان امعاء الياهل مومهيئه لامتصاص
الجلوكوز !!!
خلج ع الحليب وعطيه ماي بعد الرضعه رقم او اقل عشان ينظف
حجله من ترسبات الحليب …
وعطيه ثلاث مرات او مرتين باليوم ماي غريب قبل الرضعه
احسن عشان الغازات اللي بطنه !
وينصحون اذا بتعطينه ماي عطيه باصبعج ينقط بحلجه
لان جذي يرويه اكثر !
واذا بترضعينه طبيعي خل يكون يمج قطن اول باول
ونظفي فيه صدرج …
وتبديل الحفاض كل اربع ساعات اذا مو قبل !
ولازم تغسلين المنطقه بشامبو الجسم لليهال انظف
ولاحد يقولج اكتفي بالماي !
وعقب حطي كريم قبل الحفاظ !
ولازم تلفينه عدل ! عشان يرتاح وينام عدل !
واخيرا رغم اللي ذكرته لج ! لازم يكون عندج سعة بال
وتوقعين يصير اكثر من اللي متوقعه يعني لاتخافين اذا مرض !
هدي اعصابج واخذيه للطبيب ! وانتظمي بادويته !
وبالتوفيق !
ماشاءالله كفو ووفو الله يعطيهم العافيه
بس نصيحه مني لك خلي صدرك وسيع لطفلك يعني ممكن يبكي وانتي كل شي سويتيه له ترى عادي تحمليه فتره وان طالت بعدها بيطخ وينااام …
وان شاءالله تقومين بالسلامه يااارب
بس افضل من ماي الغريب اللي بالصيدليه وعن تجربه
انا بعد انصحج مثلهم