التلقيح له علاقة بتشوه الجنين أو الاعاقة ؟؟؟

لا انشالله ما يسبب تشوه للجنين و لو يسبب جان الدكاترة ما سووه

لكن كل شي بيد الله سبحانه و تعالى

التلقيج يا طويلة العمر يبدون معاج منشطات من ثاني يوم الدورة و تبدي الطبيبة في اليوم السابع او الثامن تتابع التبويض عندج و حجم البويضه

بعدها بجم يوم راح تعطيج ابره تفجيريه تساعد على ان البويضه توصل للحجم المناسب و راح تحدد لج عقب 36 ساعه موعد

طبعا في يوم الموعد هذا راح يكون زوجج معاج علشان يعطي العينه للمختبر و المختبر راح يحاول انه يبعد الحيوانات المنوية المشوهه و الميته ووو و بعدها بساعتين راح تسوي لج التلقيح واهيا انها اتحط السائل المنوي في ابره و في نهايتها انبوب مطاطي و تعطيج اياها عن طريق المهبل ( طريقتها سهله و عاديه نفس الجماع ) وتخليج تقريبا نص ساعه بعدها تروحين البيت و المفروض انها تعيد التلقيح بعد يومين و عقب اسبوعين اتبين معاج النتيجة

الله يرزقج يارب و يتمم لج على خير

مشكورة مبدعه على هالمعلومة عاد كنت احاتي عسى الله يفرحج ويفرج همج مثل ما ريحتيني و أم فيصل عسى الله يسهل امورج مثل ما سهلتيلي المسأله

مشكورة لولو طمنتيني مشكورة بعد عمري