التواضع قيمة الطيب ولله الكمال

أخواني الكرام في هذا المنتدى الغالي علينا
جميعاً أحببت اطرح امام اعينكم
أملي أن تحوز على رضاكم واستحسانكم وانتضر آرائكم

تحياتي لكم,

بعـد ماغبتـي تعاظـم جـرحـي الأول وزاد
واختلف وضعي معاك وأصبح وصالك محـال

ليه عدنا في عذاب ليـه صرنـا فـي جهـاد
ليه لامني بغيـت أسألـك حيرنـي السـؤال

الحقيقـة ماقـدرت أفهـم حنانـك والعنـاد
والمصيبة مستوي عنـدي عنـادك والـدلال

ليـه لامنـك وعدتينـي تخلفيـن الـوعـاد
صارت أحلامي وعود وصارت أيامي طـوال
علميني (وش) نصيبي من فراقـك والبعـاد
صارحيني بالحقيقة أنكـان ماعدلـي مجـال
ادري أنك مرتديتـي للحـزن ثـوب الحـداد
وادري انك مانويتـي بالرجـوع وبالوصـال
ماخذتنـي تسليـه حسـب النوايـا والمـراد
تحذفينـي باليميـن وتلتقيـنـي بالشـمـال
مرت(ن) من قوم صالح مرت(ن) من قوم عاد
ويـن بالله شايفتنـي بالتصـور والخـيـال
مـن ديـار الحجـر والا إرمـا ذات العمـاد
آمريني أمـر قولـي (لي)هنـا مـر وتعـال
مير لاتقسين عالعاشق بجفـوى واضطهـاد
التواضـع قيـمـة الطـيـب ولله الكـمـال

وسلامتكم