الثلاجه مليانه ابي أكله بناجست الدجاج

قليهم او حطيهم بالفرن
بعدين سوي هالصلصه: زبده كامله سيحيها على نار واطيه + ملح + فلفل اسود + قفشه صغيره خل + فلفل لويزيانا تقريبا نص كوب + قفشه فلفل بودر احمر + قفشه باربيكا + قفشه وستشر صوص و خلطيهم بسرعه بالمجراخه و اهيا على النار

او اذا مالج خلق اشتري صلصه بفلوز ويننجز تقريبا نفس الطعم
و بعدين حطي التشكن نجتز في باديه و كتي عليها الصوص و حطي على الباديه صحن و خضي الباديه حيل حيل عشان تتغطى كل قطعه بالصوص
و قدميها مع صلصه رانش

طبخه ثانيه: حمسي بصل و جزر و مشروم شرايح بشويه زبده و زيت ذره, و حطي عليهم قفشتين صويا صوص و نص كوب مرق دياي و علبه كريمه، بعدين صفي التشكن نجتز بالبايركس، و حطي عليها الخلطه بعدين فوقها جبن موزوريلا غطيها بقصدير بس لا يحوش الجبن و خليها بالفرن لما يتسوي النجتز بعدين شييلي القصدير و حمريها من فوق

اخذي خبز المطاحن الصغير
وقلي الناجتس وحطي داخل كل خبزه جبن سلايس مسحه مايونيز والخضار اللي تحبونها والناجتس وهلابينو

سلطة البوب كورن طبقيها بالناجتس … قليهم و قصصيهم