الجيدات اوللات العزم يدخلن

عامليه مثل ما تحبنه اهو يعاملج يعني تبينه يحبج ويخاف عليج خافي انتي عليه وحبيه وتبينه يعاملج بكلام الحلو والذرابه بادري انتي بالاول وغرقيه رومانسيه وكلام حلو تبينه يحترمج ويقدرج ويقدر اهلج عزيه ورزيه رزي اهله ….

اصابعج مو سوا كل ريال وطبعه
يعتمد عليج انتي المفروض تكونين ذكيه وتعرفين طبعه من البدايه وتتعاملين معاه علي هذا الاساس يعني اذا اهو من النوع اللي يحب الكلام الحلو كثري منه واذا اهو من انوع العسر تسهلي انتي وحسسيه ان الراي رايه والشور شوره واذا اهو من النوع العصبي حسسيه انج محتاجتله ومالج احد بهدنيا غيره ونصيحه لا تتنازلين عن اي حق من حقوقج خلي عندج اصرار وعزيمه طول ما انتي علي حق بس بطريقه اللي تناسب شخصيته

لا تعمتدين علي نفسج وايد بالمسؤليه شاركيه بكل صغير وكبيره تخص البيت والعيال بالمستقبل انشاءالله واهم شي اغراض الجمعيه مع انه شي بسيط وسهل بس لا تغفيلن عن هذا الشي ابسط الامور اكثرها اهميه خلي مسواقج معاه واذا كان مشغول نطري لحد ما يفضى شاوريه اخذي رأيه بالمشتريات حسسيه انج ما تعرفين شي من دونه اهو كلشي بحياتج عشان ترضين غروره الفطري كرجل شرقي يحس ان اهو انسان مهم عندج وبهطريقه ما يستغني عنج ابد

تشاركي معاه بكلشي حتي باللقمه قصيها بينج وبينه شاركيه همومه ناقشيه بدوامه ومشاكله مع ربعه واهله خلي عندج حلول منطقيه ودائما امدحيه وذكري محاسنه سواء بينج وبينه اوجدام اهله واهلج بالاخص

اخذي رايه بلبسج واللوان اللي يحبها ويفضل انج تلبسينها ………. بعني رايه يهمج وتثقين بذوقه

وشوفي شلون بتصير حياتج معاه كلها سعاده بسعاده بأذن الله

* واهم شي حبيبتي اذا صار بينكم زعل ولا خلاف ما يطلع برا البيت وحاولي تحلينه بخصوصيه تااامه وبحكمه وبسرعه عشان ما تتطور الامور ويدش فيها اطراف وتصير انفعالات وتشنجات …

* وانتبهي لا تشتكين له من اهله الا اذا في قله احترام من حقج تتكلمين بس موبالفاضي والمليان يعني خلي عندج كنترول عشان اذا شكيتي وتبين حل تلاقينه مستمع جيد وينفعل معاج بس اذا كررتي الشكوى راح يصير شي عادي بالنسبه له

اتمني لج حياة زوجيه سعيده مبروك