الحبوب الاندويسية اللي تكبر الصدر والارداف galian putri شوفوا شنو طلعت !

السلام عليكم

قوووة كويتيات .. خليجيات .. عربيات .. اجنبيات

واااي شكثر احبكم كويتيات

إزيكوووم عاملين ايييييه ؟ ان شاء الله كويسين

بنات احترت وين احط هالمووضوع

قلت بما إن قسم المتزوجات اكثر قسم عليه طقي اعصي من بنات المنتدى ..

بحط الموضوع فيه عساس اللي تقراه تنبه البنات كلهم

ندش فالموضووع ..

قبل فترة لقيت شكثر عندنا في قسم الموول يبيعون الحبوب الاندونيسية اللي تكبر الارداف والصدر
.. انا استغربت قلت شلون بس اتكبر الارداف والصدر

المهم

رحت اسوي بحث بقوقل .. كتبت اسم الحبوب بالانقلش GALIAN PUTRI ..

وطلع لي كذا موقع … ضغطت على واحد منهم .. وهو موقع يبيع هذه الحبوب ..

انشوف كلناا مع بعض الصووور اللي جدامنا

وبعدين ظللت ع الكلام .. ونسخته :ـ

و رحت صوب ترجمه قوقل و ترجمت الكلام … والمصيبه جيكوا شنو طلع لي

طلعت حبوب >>>>>> منع حمل !!

بنات ديرو بالكم مو تاكلون اي شي

عرفتو الحين شنو قاعدين تاكلون ..

وربي مافيه بيني وبين اي بنت تبيع هالمنتج كره .. بالعكس عسى الله يرزقها ان شاء الله ..

لكن من عمل احدكم عملا فليتقنه .. مو تبيعين حي الله شي بس عشان الفلوس .. ترا الفلوس وسخ دنيا

انتي تاجره تبيعين اوك ماقلنا شي ان شاء الله .. الله يرزقج ..
لكن قولي حق البنات انتي شنو قاعده تبيعين بالضبط ! ..
قولي هذه حبوب منع حمل من اثارها انها تصفي البشرة و تكبر الارداف والصدر !!

فديتكم بنات مابي منكم الا الدعاوي السنعة

عسى الله يعطي كل وحده على قد نيّتها يارب

يالله مع السلامه