الحبوب التايلندية الملونة

فروحه خافي من اي حبوب تيي من ذيك الاماكن

مرحبا أخت فروحه………

أختي الغالية…….حنا العام سافرنا لتايلند…….وزوجي شويه متروس وكان ماخذ هالحبوب اللي ملونة من واحد رفيقه…….على اساس يشتري مثلهم للريجيم….المهم هناك سألن عنهم واحد يعرف عربي……..قال هاذي اصلا امنعوها لانها تسبب أمراض……وصارت ما تنباع الا بالخش والدس………
فديري بالك أختي الغالية………
واذا تبين تضعفين جربي الحبوب اللي يقولون عنهم الزينكال……اللي هنا تنباع ب35دينار وبالسعودية 270 ريال………

حراااااااام عليج فروحه

كل شي ولا حبوب تايلند

	لا تجربين نصيحة مني انا جربتهم ومن وراهم قلت توبة تدرين شيصير فيج ؟؟؟؟؟؟ كلج ولا آخر حبة مالت الليل تخيلي بعد 4 ساعات تحسين بمغص جنة احد ياكل مصارينج وتدرين بالاخر اكتشفت انه فيهم دود !!!

انا جربتهم بس في منهم انواع كانو زينين بس عيبهم يابولي رقعه وصداع وعصبيه

اذا تبين شي ايسد الشهيه جربي الريداكتل زينين بس ابتدي اب10 اذا ماناسبج اخذي 15

انا بعد ابي اظعف اشرايج انسوي رجيم مع بعض ؟؟؟

الاعشاب احسن شي
وانا جربت الزينكال وولا سوولي شي
والله
…
انصحج على الاعشاب
مرميه واكليل الجبل وبابونج وسنا
اشربيهم ثلاث مرات باليوم او مرتين

قبل الاكل .. وشوفي النتيجه
وادعيلي