الحسو ؟؟

تفضلي طلبج

المقادير

كيلو رشاد نجدي … ينظف جيدا

ربع كيلو كمون …. ينظف ويحمس على النار لما تصير حبته شقره ويطحن ناعم

ربع كيلو حبة سوده (حبة البركه ) …. تنظف وتحمس بالنار لما تطلع ريحتها لانها سوده ماراح تبين انها صارة شقره او لا بس راح تعرفين لما تشمين ريحتها …. ثم تطحن ناعم

ربع كيلو كركم ……ناعم

نص كيلو زنجبيل …… ناعم

ربع كيلو فلفل اسود……. ناعم

ربع كيلو حبة حلوه….. ناعم

طبعا هذى المقادير تكفي نفاس كامل (40 يوم ) ويمكن تزيد

وبعد مانخلص تنظيف وتحميس نحطها في زجاجات نظيفه ونحفظها عندنا وقت مانبي نطبخها

============================== =========

الطريقه :

ينقع الرشاد لمدة 4 ساعات او اكثر بعد غسله جيدا (المقدار يكون 1 كاس رشاد )

ونحط عليه تقريبا 6 كأس ماء او اكثر (وتراه راح يشرب كميه من الماء )

نضع قدر متوسط على النار ثم نضع الزيت حتى يملي قاعدة القدر ب 1سم (المقدار تقريبا يكون كاس زيت )

ولما يصير حار جدا نضع 1 م ك زنجبيل وديري بالك لا يحترق

وبعدها الحبه السوده 1 م ك

وبعدها الكمون نص م

وربع م فلفل اسود (اختياري) بس هو ضروري حق النفاس بس اثناء الدوره مو لازم

ونخلطهم بالزيت عدل

اهني تعالي شمي الريييييييييييييييحه اللي تجنن

وبعدها نكب الرشاد مع مائه ….. ونقلب فيه ( كبيه اشوي اشوي ودير بالك لان الزيت ساخن جدا )

اذا كان الماء قليل زيدي عليه الماء يعني خلي مقدار الماء حوالي ثلاث ارباع القدر

بعدها نضيف الكركم نص م

ونضع السكر حسب الذوق (اذا تبينه حالي او خفيف انتي تحكمي فيه )

وحركيه زين ونخليه يطبخ على النااااااااااار حتى يغلي على نار عاليه

وبعدها نخلي النار هاديه ونخليه يطبخ على راحته ونقلب فيه كل اشوي لمدة ساعه او لما يثقل الخليط

وقديمه وهو حار وعليكم بالعافيه

طبعا الكميه ماراح تخلصينها مره وحده احفظي القدر بعد ما يبرد بالثلاجه وسخني منه على الفطور او العشى بالمقدار اللي تبينه

منقوووووووووووول

مشكوره جارة القمر بس انا سمعت يحطون طحين معاه

صح كلامكم الزيت وايد سويته بس كليت شويه بغيت ارجع احس الزيت وايد يلا ننتظر طريقه ثانيه بعد