عيالي اسم الله عليهم يبتهم فوق بعض يعني فرق تقريبن سنه ونص بينهم
ولدي العود توه يكمل سنتين دخلته حضانه كنت وااااااااايد احن ابي ادخله عساس عندي خدامه وحده او بداوم ف ماتوفي وياهم
عيالي اوديهم عند امي بالاساس ف تخيلووو ازخهم من الصبح يقوموون من السبع علبون الحق عل الداوم 
يكسرون خاطري اشلعهم من نومتهم
قررت ادخل ولدي العود الحضانه قلت دام قايم قايم بس يااااااااااربي قلبي قام يعورني احس تو الناس
ليش من الحين شقى ليش من الحين قومه مبجر ويونيفوورم وو جنطه اكل ووو لييييييييييييش .gif "Eh S(16)")
ولله توه داش مو من زمان وللحين مو متاقلم وايد لمن يقعد يصيح والابلات يقولون لا عادي يتعود احس جني قاعد اذيه حرام ياربي
وهالناس الي يدخلون عيالهم الحضانه يعني قلوبهم ماتعورهم ؟ اقول احسن اتعدل نومته اتعدل نظامه اوكي بس احس كلشي له وقته كلشي لااااااااااحق عل النظام والقعده من الصبح ولله محتاره ودي ارد اطلعه واقعده بالبيت ينام مع اخووة بيت امي
وساعات اقول لا خليه يتعلم ويكتسب لغه احسنله؟ مشكله في ناس مدخلين عيالهم واهما اصغار عل عمر سنه او سنة ونص ليش ياربي هالتعذييييييييييب
انا ادري ان امي مو قاعد اتجابلهم مع الخدامه يعني جني مقعده بالبيت بس علاقل في مراقبة بس علاقل براحته يقووم متى ماقام ولاااحق عل الشقى والمدرسه وقومة المدرسه مادري ليش اهوا البجر من عيالي ف احس بتانييب الضمير هل الحضانه ضرورية؟؟؟؟؟
شوروو علي من تجاربكم ويا الحضانه هل اهي ضرورة ؟؟ وسنتين مو جنه مبجر ؟
ولدي العود توه يكمل سنتين دخلته حضانه كنت وااااااااايد احن ابي ادخله عساس عندي خدامه وحده او بداوم ف ماتوفي وياهم
عيالي اوديهم عند امي بالاساس ف تخيلووو ازخهم من الصبح يقوموون من السبع علبون الحق عل الداوم
قررت ادخل ولدي العود الحضانه قلت دام قايم قايم بس يااااااااااربي قلبي قام يعورني احس تو الناس
ليش من الحين شقى ليش من الحين قومه مبجر ويونيفوورم وو جنطه اكل ووو لييييييييييييش ولله توه داش مو من زمان وللحين مو متاقلم وايد لمن يقعد يصيح والابلات يقولون لا عادي يتعود احس جني قاعد اذيه حرام ياربي
وهالناس الي يدخلون عيالهم الحضانه يعني قلوبهم ماتعورهم ؟ اقول احسن اتعدل نومته اتعدل نظامه اوكي بس احس كلشي له وقته كلشي لااااااااااحق عل النظام والقعده من الصبح ولله محتاره ودي ارد اطلعه واقعده بالبيت ينام مع اخووة بيت امي
وساعات اقول لا خليه يتعلم ويكتسب لغه احسنله؟ مشكله في ناس مدخلين عيالهم واهما اصغار عل عمر سنه او سنة ونص ليش ياربي هالتعذييييييييييب
انا ادري ان امي مو قاعد اتجابلهم مع الخدامه يعني جني مقعده بالبيت بس علاقل في مراقبة بس علاقل براحته يقووم متى ماقام ولاااحق عل الشقى والمدرسه وقومة المدرسه مادري ليش اهوا البجر من عيالي ف احس بتانييب الضمير هل الحضانه ضرورية؟؟؟؟؟
شوروو علي من تجاربكم ويا الحضانه هل اهي ضرورة ؟؟ وسنتين مو جنه مبجر ؟
– حملت … وابيها تتعلم تطلع من البيت وما تتأثر لما ايي البيبي الثاني فجأة تروح الحضانة … واتحس ان كشينها علشان البيبي
– تقعد عند الخدامة الصبح … والخدامة ما يمديها اتخلص شغل البيت .. وانا قطاع خاص يعني يومي طويل … فعلى ما ارجع الا اليوم خالص … قلت على الأقل الصبح اتصد شوية عن الخدامة … لما كانت اصغر كنت ازخها مثلج كل يوم واوديها بيت امي .. بس هم كسرت خاطري الشقلة كل يوم ، وعلى قولتج بالنهاية اللي امجابلهم الخدم لأن بصراحة امي كبيرة وما فيها شدة تركض ورا بنتي …
– ابيها تتعلم على اليهال … حبيبتي تكسر خاطري …. ما عندها احد يلعب وياها …
– تتسلى … احسن من مجابل الخدم
اول يوم شلعت قلبي … بصراحة اي يعورني قلبي عليها .. بس لما تعلمت … قامت اهيا توله على سكوول على قولتها … وساعات اتيييها العرة ومابي سكول … بس عادي … الحين امي تاخذها من الحضانة … ترجع البيت تتغدى وتتنام .. على ما تقعد الا انا راجعة من الدوام
وصج تتعلم اشيا وتستانس وتلعب
على ما اولد ان شاء الله يمدي اجابل البيبي الثاني على ما ترجع اهيا من الحضانة؟؟
انا ولدي من عمرسنه وست شهور بالحضانه بالاول اضايق وقلبي عنده وكل شوي ادق
بس الحين والله لا بالعكس مرتاحه لانه بين يهال يلعب ويطلع كل الطاقه اللي عنده يجي اخر اليوم ينام مبجر وما يأذيني بالبيت باللعب لانه يشبع لعب طول اليوم هناك
فا بالعكس انتي تفيدينه بالحضانه مو تضرينه
والله يوفقج انشالله
ام علي حبيبي—
عؤبال حضانتج موفقة
عيل انا بنتى شرااااااااااااااايج عمرها 7 شهور تقريبا دخلتها حضانه والحين عمرها سنه وشهرين حضانه
الحضانه نعمه والله
شوفي ياقلبي
انا عيالي كلهم حضانات
1- احسن من قعدته مع الخدامه بالبيت ماتدرين شنو تسويله
احنا مجبورين انه نشتغل وندوام عشان عيالنا بس هم نفس الوقت مو معقوله انقطهم عند الخدم او عند امج مره كبيره منو بيتحمل
2-لاسمح الله مرض ولا شي عالاقل في ممرضه بالحضانه يعرفون يتصرفون
3-تتعدل نومته
4-يصير اليهال اجتماعي
5-يكتسب اشياء وايد
6-حتى وجباته تصير منتظمه والاكل صحي مافي خرابيط بالحضانه
وهذه الدنيا
فأنا اايد الحضانه واييييييييييييييييييد
خل يبجي كل اليبيهال يبجون شهرين 3 بعدين يتعودون
بصراحه اسمحيلي كلام خالتج يقهر.gif "Eh S(14)")
وعمري ماسمعته من احد
انا ولدي الكبير دششته حضانه
وتحسفت
سمعت دكتور بعلم النفس يقول :
ان الطفل بهالعمر مكانه البيت وسط اهله
لمن يشوفج تقعدينه من عز نومه وتودينه مكان ما يعرف فيه احد ومكان فيه نظام وتقطينه وتروحين عنه
هالشي يأثر بنفسيته
لانه بعمر ما يستوعب انتي ليش موديته الحضانه
انا الصراحه ضد الحضانه وباجي عيالي ما دششتهم الحضانه
هذي وجهة نظري
انا ناويه ان شاء الله اذا عيالي كملوا سنتين
ادخلهم حضانه يستفيدون
الحضانة اتعدل نومته وشوي شوي … اتلاقينه يقوم الوقت الصح وينام امبجر بعد …
المشكلة مع الأخت اللي اتقول ان البيبي مكانه البيت … يا ريتنا فعلا قاعدين بالبيت وامجابلين عيالنا … البلا كله ان احنا بالدوام .. ما ندري شيصير فيهم بالبيت مع الخدم … على الأقل بالحضانة الياهال يتعلمون المشاركة .. الاحترام … بالبيت ياويلها الخدامة اذا قالت حق الياهل ادن ورا … الياهل ممكن يتطاول على الخدامة وهي ما تقدر اتسوي له شي .. او ممكن اتسوي له وهم ما تدرين … اشوف الحضانة جو مؤموون … بس اختاري حضانة زينة … اكو حضانات مريت عليهم ضيييييييييييييييم …
وبعدين من الاشيا اللي شجعتني على حضانة بنتي سوو معاي برناج شلون اعودها على الحضانة شوي شوي … كانوا يخلوني اقعد وياها بالصف … اول مرة قعدنا ساعة … ثاني يوم قعدنا 45 دقيقة .. ونص ساعة ابروحها … جذي … لين قامت تتعود ابروحها … وللحين ساعات تتدلع هههههههه بس الحين انا قلبي تعود بعد
اتتكلي على الله …. شوفي لج حضانة ماكو يهال وايد بالصف … عندهم انشطة …. حق اللي بعمرهم … واحدة من الحضانات اللي شفتها يخلون الصغار بصف واحد من الصبح لين اتيين تاخذينهم … حسيت قمته .. خلي الياهل بالبيت احسن …
حضانة بنتي يطلعون من صف ليه صف ، صف العلوم غير وصف العربي غير وصف الدين … جنه صج هههههههه … وساحات كبيرة للعب تحت يعني مكيفة حق الغبار والحر … وبرة دوارف … والناظرة حبيييييييبة وعجيبة … دايما مع اليهال … انا شفت 7 حضانات على ما قررت
وبصراحة الحضانة مو جد وايد .. وهالشي مونسني … لأنها لاحقة على الجد 
شسم حضانه بنتج شوقتيني عليها؟
انا افتريت حضانات وايد بس يمنا يعني الي عجبتني ليتل لاند بالفيحا او سمارت كيدز بالشامية
حضانة درر الي بالشامية وايد ديكورات حلوة بس حسيتها مو اوكي مارتحت لها المهم ماقصرتي عل المعلومات او ان شاءالله يتعود ولدي ويتعود قلبي واهده وياهم عادي
بالعكس احس راح يستانس واااايد لان اسم الله عليه يحب الطلعه و يبي يهال …خصوصا بالبيت كله مجابل الخدم ( وقت دوامي )
بس انا مو مفكره اني اوديه الصبح و اقعده من نومته متعسر …..يعني يقعد الساعه 7 ونص على ما يشرب حليبته و يتريق و يلبس لما تصير الساعه 9 يروح الحضانه ….يقعد على الاقل لس 12 ونص يطلع طاقته ….ومنها يستانس و يرد ….بالنهايه هو مكان للوناسه مو معسكر ^-^
الاغلبيه مؤيدة شجعوتني عل قولتج ليش اقوومه من الصبح اخليه عل راحته يكمل نومته ويتريق وتالي اوديه الحضانة خوووش فكرة Anteeka
الحضانة احسن من قعدة البيت حتى لو كانت الخدامة زينة
انه عمري ما انصدمت بحركات الخدم بس تحوشني نفسية من هالقصص اللي نسمعها
عالاقل ولدج بالحضانة بين ابلات ومشرفة وما تحاتين اي تصرف يضر ولدج
متندمه على شي واحد بس
اني دخلت ولدي الحضانه متأخر تقريبا 3 سنين
تخيلي ولدي ماكان ينطق محد يكلمه وآنه وقتي بالدوام حدي تنرفزت فدخلته حضانة الابداع صراحة والنعم بكل أبلاتها
ولدي اللي ما كان حتي يقول ماما ولا بابا قام يتكلم وصار اجتماعي ويحفظ قرآن بعد