مرحبا خواتي
انا يالسة اكتب لكم ودموعي ما وقفت مقهورة واايد ومتضايقة وما عندي احد اسولف له ..
اليوم فتحت ايميل زوجي وشفت انه مشترك بالفيس بوك رغم انه قالي ان مايعرف الفيس بوك عموما فتحته وشفت ان ضايف 4 بنات ويوم شف الرسايل اشوفه مطرش لوحدة يسالها عن امتحناتها والثانية مطرشلها قبل عرسنا ب 5 ايااام هذا الي قهرني يعني هو كان يسولف معها ب فترة الملجة رغم ان كان يحلف ان مب حق سوالف انا الي شفته ان دش بس مرتين الفيس بوك ومن اخر تاريخ للحين ما دش ابدا …يعني عقب الزواج مادش انا قلت له وقلت له عادي عندي اهو عارف اني متضايق وقال ماعندي اي عذر وحاول يقرب مني الظهر بس رفضت وبعدته مني يلس بيجي ويحلف ان بس فضول يبي يعرف شو الفيس بوك وان عمرة ما دش عقب الزواج انا الحين فقدت الثقة فيه لان هذي ثاني قصة اعرفها عنه المشكلة ن ربعة مب زنين وانا ما عرف شو اسوي اهو تم يحاول يحظني ويقولي سامحيني الحين هو طلع من البيت ودق علي ويصيح قال انا ما استاهل حبج لي انا اعرف اني ما راح اسعدج بس والله اني عقب الزواج ما سويت شي غلط ابدا انا تميت اصيح وسكرت …
ارجوكم قلولي شو اسوي والله صرت اكذب كل شي انااا وايد احبة والله يعلم شكثر احبة اسامحه واذا سامحتة كيف ارد اثق فيه والله صرت شاكة بكل شي ارجوكم والله تعبانه مالي احد مابي اوصل الموضوع للاهل
مرحبا خواتي
انا يالسة اكتب لكم ودموعي ما وقفت مقهورة واايد ومتضايقة وما عندي احد اسولف له ..
اليوم فتحت ايميل زوجي وشفت انه مشترك بالفيس بوك رغم انه قالي ان مايعرف الفيس بوك عموما فتحته وشفت ان ضايف 4 بنات ويوم شف الرسايل اشوفه مطرش لوحدة يسالها عن امتحناتها والثانية مطرشلها قبل عرسنا ب 5 ايااام هذا الي قهرني يعني هو كان يسولف معها ب فترة الملجة رغم ان كان يحلف ان مب حق سوالف انا الي شفته ان دش بس مرتين الفيس بوك ومن اخر تاريخ للحين ما دش ابدا …يعني عقب الزواج مادش انا قلت له وقلت له عادي عندي اهو عارف اني متضايق وقال ماعندي اي عذر وحاول يقرب مني الظهر بس رفضت وبعدته مني يلس بيجي ويحلف ان بس فضول يبي يعرف شو الفيس بوك وان عمرة ما دش عقب الزواج انا الحين فقدت الثقة فيه لان هذي ثاني قصة اعرفها عنه المشكلة ن ربعة مب زنين وانا ما عرف شو اسوي اهو تم يحاول يحظني ويقولي سامحيني الحين هو طلع من البيت ودق علي ويصيح قال انا ما استاهل حبج لي انا اعرف اني ما راح اسعدج بس والله اني عقب الزواج ما سويت شي غلط ابدا انا تميت اصيح وسكرت …
ارجوكم قلولي شو اسوي والله صرت اكذب كل شي انااا وايد احبة والله يعلم شكثر احبة اسامحه واذا سامحتة كيف ارد اثق فيه والله صرت شاكة بكل شي ارجوكم والله تعبانه مالي احد مابي اوصل الموضوع للاهل
حاولي تهدين الامور
و لا تقهرين نفسج
لانه مثل ماقلتي مادش عقب زواجكم
فلاتكبرين كل شي دام انتي بنفسج تقولين من تزوجنا مادش فخلاص لاتنبشين ورا الريال ترى الريال بني ادم ممكن يغلط بس طبعا ماقصد ان يغلط يعني خيانة لاطبعا محد يرضاها بس انتي عليج من تزوجتوا دام ماشفتي عليه شي خلاااص تكفين بنات مو على كل شي بجي ونواح وتزهقون الريال ترى الريال يراضيج مرة مرتين عشرة بعدين يطقج بالطووووف
ونصييييحة لاتدخلين اهلج بكل شي هالموضوع اسخف من ان تدخلين اهلج هذا والريال على قولتج قعد يبجي لو دخلتي اهلج بتكسرينه وبياخذ منج موقف انسي اهلج ويوم لاسمح الله ان شفتوا الريال سكران ولا مدخل حرمة ولا خاينج هني بس يتدخلون الاهل عرفوا شلوون تكسبوون الريال ..قربيله شوي وابتعدي شوي حبيه وثقلي عليه غاري بحدود وعزي نفسج وخلي لج كرامة الريال بيظل يحبج وحوالينج طوول العمر …
انتي حاولي انج ماترضين بسرعه عشان مايكرر الغلط وقوليله اذا صدتك المره اليايه تسوي هالسوالف راح تخسرني قوليله جذي عشان يخاف
وادعيله الله يخليه لج ويبعد عنه الشر وخليه ينشغل بأمور ثانيه ولاتخلينه يفضى
الفراغ قاتل
لانه مثل ماقلتي مادش عقب زواجكم
نفس رايي،،،
انا خايفة عليه لان طلع ويوم كلمني قالي تمنيت اني اموت ويصير لي بالدرب ولا اشوف دموعج اهو توه وصل عند ربعه
والله تعباه وااايد ادق عليه ولا اخليه هو يدق ولا شو
ومعقوله بقدر ارد مثل قبل انا دوم اتكشخ له واغير من نفسي واسوي اجواء له ولي الحين ما اضن بقدر اسوي اي شي
دخيلكم خبروني شو اسوي
هو مجرد كتب لوحده عالفيس بوك وكان يشغل وقته مو اكثر
والله ماتسوى الدموع اهو ماطلع مع وحده او نام معها
يكفي انه ترك هالسوالف عقب الزواج لاتدمرين بيتج بالشك والوساويس
وعادي اغلب الرياييل عندهم سوالف فيس بوك والي صار فضول لا اكثر ولا اقل
اهو شاف انج متضايقه وندمان
بس اهم شي انه ما يتكرر الغلط
ولكن يوم اللي يجي ويندم ويتأسف
بالنسبة لي ينتهى الموضوع
هو صادق …..ثقافة جديده بالنت حب يتعرف عليها ….لا اكثر ولا اقل
المووووووهم
انتي عطيته درس قوي …فالافضل الحين ينتهي الموضوع الى هذا الحد لا يتوسع اكثر
لانه مو بصالحك اذا زاد حجمه
ومافي داعي اهلج واهله يدرون بالسالفه
هذه ابره ببحر …..ويا ما بتمر عواصف كثيره بالزواج
المهم تكونين قويه بصدها
فوفو
ومشكورات خواتي
واعولي ترى والله احس عمري منهارة
وماله داعي تنقهرين
تعوذي من بليس يالغاليه ولا تخلين الشيطان يوسوسلج
انا لمن احد يسالني عن الفيس بوك اقولهم مو مشتركه
بس انا بالصج مسجله بس عشاان اشوف وادور الاوادم ودشيت جم مره بس اشووف الوادم بس ما اعتبر مشتركه فيه يعني ما اقول حق الناس اني مسجله فيه لا داعي لاني ما استخدمه بس ادش اطاالع احيااانا
زووج نفس الشي ما جذب لمن قالتج انه ما يعرفه لانه صج حتن انا معني دشيته بس همن مودري شسالفته
وبعديين يعني اي واحد بالدنيا صبي وحده تدزله رساله وله شي اكيد بيرد عليها
واهو دز رساله وله شي قبل الزواج يعني ما يحتااي تحاسبينه
ومبين على الريالخووش واحد والله
الحمدلله انه يات على جذي والله انا اشووف السالفه حيييييييييييييل بسييطه يعني لو انا منج اطووفها
بس كاافي ازعل يوم واحد بس عشان يعرف انه انا موحب هالسوالف بعدين عاادي
لا تموتين من القهر ولا شي انا اقوول روحي حق ريلج وسامحيه وقوليله اني وحب هالسوالف وخلاص
والله يهنيكم