الحمدلله على سلامتي عمليتي مع دكتور عبدالناصر

والدهون اللي بشيلها بحقنها بوجهك وارجعج 10 سنين ورا انا اهني صار ويهي جذي برجعني 10 سنين ورا حد الوناسه

وقالي تكلفج العمليه شغل ايدي 2018 دينار كويتي نوط ينطح نوط مني مناك نزل لي 500 صاروا 1500 دينار شغل ايده بس والمستشفى 490 دينار والكورسيهات 120 دينار يعني دفعت 2110

رجعت البيت واستخرت ربي وارتحت الحمدلله ورحت له بوقت ثاني ودفعت شغل ايده كامل علشان ماارد بكلامي لان حدي جبااااانه وخايفه من النتايج والبنج وااااااي شي مرعب

وقابلته وقالي متى تبين العمليه انا فاضي يوم الاثنين قلت له موااااااافقه هههه ردت فعل سريعه من الخوف والتصرقع اللي انا فيه وصار يوم العمليه ورحت مركز الزهير الطبي حده هادي والسسترات روعه شالوني شيل الله يعطيهم العافيه وصعدت الدور الثالث واريولي تنفض واقول في نفسي ارجع انا اشبسوي بعمري ولا السسترات يدخلوني الغرفه شوي ولا الدكتور دخل اهني بدا العد التنازلي للعمليه وقلبي يدق واوصيه عفيه دكتور اهتم فيني واري كوم اعيال واهو ميت من الضحك علي

المهم خطط جسمي وخلاه خريطه ولما خلص قالي تبين شي بعد قلت له ايه ماابيك تحقن الدهون بوجهي قالي على راحتج

وشوي ولا يدخل دكتور التخدير ماشاء اله عليه روعه ومحترم وسالني جم اسئله وراح وانطر متى يدخلوني العمليات وافتك من هالتوتر وادعي ربي ان الله يسهل علي العمليه واصحى من البنج شوي ولا داخلوا علي السسترات وابيدهم الابره عطوني اياها وخذوني لغرفة اعلمليات على ماوصلت اهناك الا انا طافيه ماشفت الا كمام اسود على ويهي وشوي ولا دكتور عبدالناصر حمدلله على السلامه شنو انا سويتها قالي ايوه الحمدلله قلت الحمدلله انك رديت علي روحي .

و ودوني نفس الغرفه ولا اهلي قاعدين ناطريني قلت جم ساعه عمليتي قالوا 4 ساعات ونص صدمه

بصراحه انا الحين حدي مستانسه وطبعا شال مني 3 ونص لتر وخلى الخصر موطبيعي ونحت الجسم ماشاء الله تبارك الرحمن والصدر مركب له بربيش ووارم واصل لي رقبتي من اول يوم العمليه وانا شفت الفرق وطلعت نفس اليوم والدكتور الله يعطيه العافيه باشرني واهتم فيني .

مااقدر اقول الا الحمدلله على سلامتي وجزاه الله خير دكتور عبدالناصر على المجهود اللي ابذله معاي والله يوفقه .

وسامحوني على الاطاله وعلى شانكم كتبت الموضوع وانا تعبانه وباذن الله بقولكم تطوراتي اول وباول .