الحمدلله . ولدت بالسلامة :)

حبيباتي وخواتي في منتدى كويتيات

أبشركم .. ولدت بالسلامة ..

وجبت الغالي ( ناصـــــــــر ) ..

جبته في 37 أسبوع .. وما نطرنا لأني كنت متخوفة من الحبل السري .. كان حيل طويل و لاف عالبيبي ..

شربت دارسين وخروع بالليل .. وقعدت على تلفون من دكتورة خالدة تقوللي تعالي الحين ..

رحت .. حطت لي البالونه لتوسيع عنق الرحم .. وفعلا خلال جم ساعة صار 5 سم ( انا عندي ضعف في عنق الرحم ) ..

زاد الطلق .. جان أدش نص ساعة في الجاكوزي … ونااااسة … الألم حيل قل.. على فكرة الميموسا غرفة التحفيز الطلق.. يعني فترة ما قبل الولادة والخبصة ..

طلعت من الجاكوزي.. واستوعبت اني امبي ما صليت ( وانا لازلت علي صلاة ) .. فقعدت أصلي الظهر والعصر والمغرب… وقريت الزلزلة وآيات تسهيل الولادة ..

ما خلصت إلا وبدت الحفلة .. زاد الطلق .. فطلبت ابيديورال..

خذيتن اللابرة.. بعد نقلي لغرفة الولادة والصراحة .. *** بحر .. الحمدلله على النعمة..

نزل ضغطي لكنهم تصرفوا وعدلوه..

بعدين .. جاءت اللحظة الحاسمة وو Push Push وحسيت بألم لان مكان العملية تعبني شوي..

وطلع حبيب قلبي اللي نطرته سنين .. و بكيت بكي سنين من الفرحة .. والدكتورة حيل تأثرت .. واصرت أني أنا اللي اقص الحب السري..

كان الحبل السري لاف عليه فعلا.. بس مو خانقة.. الحمدلله الحافظ ..

الصدمة ان الولد وزنه 2 كيلو و 300 جم فقط.. يعني نموه كان متوقف ببطني.. وللحين مادري شنو السبب .. د.خالدة أرسلت المشيمة لمختبر الأنسجة لدراستها..

بسبب سكر الحمل عندي وغيره من أسباب دخل البيبي العناية الخاصة لمدة 48 ساعة .. كنت أروحله وأحاول أرضعه.. أحاول أفيده باي طريقه..

من المواقف الحلوة .. ان خواتي واخواني صوروا كل شي .. لقطات عفوية حلوة .. حتى عطوا السستر الكاميرا تصورني وانا أفص الحبل السري ..

واختم قصة ولادتي بالدعاء لكم جميعا بأن بالولادة اليسيرة والعافيه لكم ولعيالكم ..

وجزاج الله جير يا د. خالدة المجيبل..
وكذلك دز سليمان السعد اللي نصحتني فيه وما قصر.

والحمدلله الذي جعل آخر صبري فرجا..
وأسال الله إن يكبر ولدي النتفه .. لأنه حجمه يكسر الخاطر..