السلام عليكم ورحمة الله وبركاته ..
شلونكم خواتي وحبايبي الحوامل والوالدات وطبعا الي معاي بالتجمع الحبيب ما انساهم وطبعا خواتي السابقات بالحمل والولاده والي سبقوني بالنفاس
طبعا بنات بكتب لكم قصة ولادتي بإختصار وبعدها ابي احط الاسئلة والاستفسارات الي انا محتاجه لها وابي مساعدتكم وخبرتكم معاي الله يبارك فيكم وبذرياتكم .. آمين
بتاريخ 13/10/ كان اول يوم لي بالتاسع وانا بالعاده من الثامن اييني طلوق وكلاعيالي ما اخذ الا ايام من التاسع واوولد
المهم من الصبح اييني عواروتشنجات وغيره نطرت لبليل وبعدها رحت لدكتوري وقالي مفتوح 3 سانتي وفيني طلوق وكل شوي يزيد وقاللي دخول ___ وفعلا دخلت غرفة الولاده على اساس الي الفيجر اكون ولدة وكانت الامور كلها ما شيه مضبوط
والحمدالله لكن مع مرور الوقت ومع تطور الولاده وبنزلت ماء البيباي انفصلت المشيمه وصارفيني نزيف
وكان لازم يسون لي عملية قيصريه علشان ينقذون البابي وانا والحمد الله ولدت بسلامه وانا والبابي
طبعا ما كان غلط من الدكتور ولا شي كانت الولاده ماشيه بسهالة ويسر بس سبحان الله قدر الله وما شاء فعل وطبعا كل ولادة تختلف من ولادة الي اخره بسهالتها وعسارتها والحمد الله رب العالمين شي اهون من شي
ويبت احلا هاجر عسى ربي يحفظها وخليها لي
المهم بنات انا الحين قيصريه وهذي اول مره وطبعا تايه وموعارفه شنو اسوي عندي وايد استفسارات
1- بخصوص بطني ما فش مثل باجي الولادات الطبيعية الحين بطني مثل وحده حامل بالخامس هل راح يفش ؟
2- بخصوص جرحي متى راح يبرى وروح العوار ؟
3- وفي ناس تقول لي اكلي حسوا وناس تقول لا وانا احترت ؟
وطبعا دكتوري يقول لي مافي بهارات ولا دسم
4- وناس تقول ربطي بطنج بعد 20 يوم ؟ وناس تقول لا تربطين ؟
ودكتور يقول لا تربطين نهائي الا فوق 6 شهور
5- بخصوص الجرح ناس تقول حطي مره عليه وناس تقول لا ؟
ودكتوري يقول ما تحطين عليه شي نهائيا
4- بخصوص وقت الولادة انا فتحت 4 سانتي بس راح يرجع يضيق وله شلون ؟
وشنواسوي استخدم تحاميل او لا ؟
لان انا بولاداتي السابقه ما استخدم هالاشياء لان كنت اسوي عملية تجميل فماكنت احتاج لي هالسوالف من ولاده الي ولاده مرتاحه
اما الحين ما ادري 
فيدونا جزاكم الله خير من خبراتكم
السلام عليكم ورحمة الله وبركاته ..
شلونكم خواتي وحبايبي الحوامل والوالدات وطبعا الي معاي بالتجمع الحبيب ما انساهم وطبعا خواتي السابقات بالحمل والولاده والي سبقوني بالنفاس
طبعا بنات بكتب لكم قصة ولادتي بإختصار وبعدها ابي احط الاسئلة والاستفسارات الي انا محتاجه لها وابي مساعدتكم وخبرتكم معاي الله يبارك فيكم وبذرياتكم .. آمين
بتاريخ 13/10/ كان اول يوم لي بالتاسع وانا بالعاده من الثامن اييني طلوق وكلاعيالي ما اخذ الا ايام من التاسع واوولد
المهم من الصبح اييني عواروتشنجات وغيره نطرت لبليل وبعدها رحت لدكتوري وقالي مفتوح 3 سانتي وفيني طلوق وكل شوي يزيد وقاللي دخول ___ وفعلا دخلت غرفة الولاده على اساس الي الفيجر اكون ولدة وكانت الامور كلها ما شيه مضبوط
والحمدالله لكن مع مرور الوقت ومع تطور الولاده وبنزلت ماء البيباي انفصلت المشيمه وصارفيني نزيف
وكان لازم يسون لي عملية قيصريه علشان ينقذون البابي وانا والحمد الله ولدت بسلامه وانا والبابي
طبعا ما كان غلط من الدكتور ولا شي كانت الولاده ماشيه بسهالة ويسر بس سبحان الله قدر الله وما شاء فعل وطبعا كل ولادة تختلف من ولادة الي اخره بسهالتها وعسارتها والحمد الله رب العالمين شي اهون من شي
ويبت احلا هاجر عسى ربي يحفظها وخليها لي
المهم بنات انا الحين قيصريه وهذي اول مره وطبعا تايه وموعارفه شنو اسوي عندي وايد استفسارات
1- بخصوص بطني ما فش مثل باجي الولادات الطبيعية الحين بطني مثل وحده حامل بالخامس هل راح يفش ؟
2- بخصوص جرحي متى راح يبرى وروح العوار ؟
3- وفي ناس تقول لي اكلي حسوا وناس تقول لا وانا احترت ؟
وطبعا دكتوري يقول لي مافي بهارات ولا دسم
4- وناس تقول ربطي بطنج بعد 20 يوم ؟ وناس تقول لا تربطين ؟
ودكتور يقول لا تربطين نهائي الا فوق 6 شهور
5- بخصوص الجرح ناس تقول حطي مره عليه وناس تقول لا ؟
ودكتوري يقول ما تحطين عليه شي نهائيا
4- بخصوص وقت الولادة انا فتحت 4 سانتي بس راح يرجع يضيق وله شلون ؟
وشنواسوي استخدم تحاميل او لا ؟
لان انا بولاداتي السابقه ما استخدم هالاشياء لان كنت اسوي عملية تجميل فماكنت احتاج لي هالسوالف من ولاده الي ولاده مرتاحه
اما الحين ما ادري
فيدونا جزاكم الله خير من خبراتكم
حبيبتي انا مالي خبره بس معروف القيصري مايفش البطن بسرعه ويبان جنج حامل لانه ترررررررهل اكثر من الطبيعي بالنسبه للجر والعوار اللي اسمعه من الناس انه يقعد تقريبا شهرين او شهر بس كل يوم اخف من اللي بعده والمشد مايلبسونه الا اللي طبيعي لانه البطن مايكون مجروح انتي اللحين فيج جرح ماتلبسين مشد نهااااااااااائياً علىشان الجرح يلتأم على الراحه ..بالنسبه للأكل مادري والله ما اقدر افيدج…بس نصيحه امشي على حجي الدكتور اضبط لج …لانه هو ادرى بالجرح ومده التأمه
والف حمدلله على السلامه
حبيت اتحمد لج بالسلامه
وان شاءالله البنات يفيدونج
مع التحية……………
أنا بجاوب على اللي أعرفه،
– بالنسبة حق تفخة البطن شي طبيعي تظل معاج فترة يمكن أشهر، بس انتي حاولي تحافظين وبعد 6 شهور أو 8 دشي نادي سوي تمارين خفيفه عشان لا يترهل البطن والأفضل بعد تستشيرين الدكتورة.
– أما بالنسبة للعوار يخف ثالث أسبوع والمفروض تتحركين وتمشين حتى بالمستشفى يمشون الوالده ثالث أو ثاني يوم يقولون زين حق الجرح والله يعينج أدري العوار يذبح وقت القومة والقعدة وصعب تتقلبين، وحتى بعد جم شهر لازم تديرين بالج ماتشيلين شي ثقيل يعني نطري على روحج 6 شهور، بس لا تحاتين إذا انتي حافظتي ودرتي بالج بطنج يرجع إن شاء الله.
– الحسو يقولون مو زين عشان ريحة البهارات مو زينه حق الجرح وترى حتى العطور والبخور يقولون مو زينه وانتي بعد ديري بالج.
– بالنسبة حق المرّه نقعيه وحطي شاش بالماي المنقوع وخليه عالجرح، وهم تشربينه أو تلهمينه زين ومفيد. بس انتي تقولين الدكتور قايل لج لا تسوين يمكن يخاف يلتهب الجرح وهو أدرى فالأفضل تشربينه عشان لا تحاتين.
والله يسهل عليج أمورج.
انا جربة القيصرية اااااااااه منها بس قدر الله وماشاء فعل
اول شي لا لا تربطين بطنج نهائيا لمدة شهرين
لا تاكلين فلفل اسود وفلفل بفترة النفاس
اكلي الحسو والادوية الشعبية بعد 10 ايام من الولادة
امشي بالايام الاولى من الولادة والكرش ما راح يخف الا بعد 3 او 4 شهور من الولادة بحالة القيصري
العوار راح يكون عليج على حسب حالة سمك الرحم بس اهم شي لا تشيلين شي ثقيل لمدة سنه
انا ماحطيت مره على الجرح بس شربت شوية مره وحطيت على ملابسي وشميت منها
ومبروك ما ياج حبوبه
—————-
باجاوب على اسئلتج على حسب معرفتي – توني والدة قيصرية ولاول مرة!
1- بخصوص بطني ما فش مثل باجي الولادات الطبيعية الحين بطني مثل وحده حامل بالخامس هل راح يفش ؟
لاتحاتين بطنج. الحين كله غازات من بعد الولادة.. راح يخف بعد اسبوع او اسبوعين
2- بخصوص جرحي متى راح يبرى وروح العوار ؟
العوار بعد اسبوع يخف وتقدرين تمشين اكثر من اول.. الجرح الخارجي يشفى عدل بعد شهر
بس يظل العوار من داخل عشان الجرح يلتئم عدل بس العوار مايكون وايد
والجرح يبيله 4-6 شهور عشان يطيب 100%
3- وفي ناس تقول لي اكلي حسوا وناس تقول لا وانا احترت ؟
وطبعا دكتوري يقول لي مافي بهارات ولا دسم
الدكتورة قالتلي مايحتاج لانهم مع العملية يعطون ابرة تقبض الرحم
بس انا خذيت لهوم، حسيت انه فادني شوي.. بس خذيته بعد العشر ايام
4- وناس تقول ربطي بطنج بعد 20 يوم ؟ وناس تقول لا تربطين ؟
ودكتور يقول لا تربطين نهائي الا فوق 6 شهور
ماادري!! انا عن نفسي ماربطت خفت لااربط
5- بخصوص الجرح ناس تقول حطي مره عليه وناس تقول لا ؟
ودكتوري يقول ما تحطين عليه شي نهائيا
انا قالولي المرة زينه بعد بس انا حطيتها مره وحدة.. مااستمريت
4- بخصوص وقت الولادة انا فتحت 4 سانتي بس راح يرجع يضيق وله شلون ؟
وشنواسوي استخدم تحاميل او لا ؟
لاتسوين شي.. والمفروض قبل لاتخلصين الاربعين الدكتور يكتبلج تحامييل..
——————-
ان شاءالله اكون فدتج..
——————-
تحطينها فوق الجرح حطيها على اطراف الجرح تحركي كل ماتحركتي بتخفين والربط انا الدكتور قالي لاتربطين بس انا
ربطت بعد 25يوووم والكرش عادي هذي غازات اصلا الدكتور يتفخه لج قبل لا يخيطه عشان ما تلزق الامعاء والتفخ هذا
اهوا الي مكبر بطنج كله هوى اكلي حبوب الفحم بالصيدليه لونها اسود تهبل حق الغازااات ومن تحت مادري انا كنت بجر
وما كنت مفتوحه الا سانتي ونص فما سوييييت شي وسلااامتج صج مبروووك ما جبتي
كفيتوا ووفيتوا
بس بنات ظهري وايد يعورني حيل ما قدر حتى او انحني شوي ساعات تكون بنتي على السرير واكون واقفه بشيلها اجندس اشوي ما اقدر
مادري هذا طبيعي او لا ؟
كفيتوا ووفيتوا
بس بنات ظهري وايد يعورني حيل ما قدر حتى او انحني شوي ساعات تكون بنتي على السرير واكون واقفه بشيلها اجندس اشوي ما اقدر
مادري هذا طبيعي او لا ؟
اي حبيبتي جدا طبيعي ما راح يروح بالمره الا بعد اسبوعين او اكثر لأن عمليه .. شوفي التجمع اللي قلتلج عنه ابتستفيدين وااايد