بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مساء خير يالغاليين
اليوم سويت منظار للمعده وما حسيت بـ الم ولله الحمد
لكن وانا قاعده انطر الدور اشوف ناس قعدوا ساعه ربع وبعضهم قعد ساعه
انا دخلت وقالتلي السستر قعدي على السرير وحطولي ابره بيدي كـ بنج
وبعده حطولي بخاخ بحلجي
وجابت السستر هوز ودخلته بحلجي وقالت لي عضيه بأسنانج وقام يطلع مثل الماي بحلجي وبعدها بخمس دقايق شالوني وحطوني بالسرير بغرفه ثانيه لين اقوم من البنج
وقمت بعدها بدقيقتين و عطوني نتيجة المنظار
طلعت مع اخوي لأن لازم يكون معاي مرافق
انا مستغربه شلون اللي قبلي طولوا
يعني قعدوا ساعه كامله وانا تقريبا نص ساعه حتى اخوي استغرب
انا حاسه ان المنظار ما دخل معدتي لأني كنت ماسكته بسنوني
ما ادري بنات خايفه ان هالممرضات كانوا مهملين
ولا شرايكم
مساء خير يالغاليين
اليوم سويت منظار للمعده وما حسيت بـ الم ولله الحمد
لكن وانا قاعده انطر الدور اشوف ناس قعدوا ساعه ربع وبعضهم قعد ساعه
انا دخلت وقالتلي السستر قعدي على السرير وحطولي ابره بيدي كـ بنج
وبعده حطولي بخاخ بحلجي
وجابت السستر هوز ودخلته بحلجي وقالت لي عضيه بأسنانج وقام يطلع مثل الماي بحلجي وبعدها بخمس دقايق شالوني وحطوني بالسرير بغرفه ثانيه لين اقوم من البنج
وقمت بعدها بدقيقتين و عطوني نتيجة المنظار
طلعت مع اخوي لأن لازم يكون معاي مرافق
انا مستغربه شلون اللي قبلي طولوا
يعني قعدوا ساعه كامله وانا تقريبا نص ساعه حتى اخوي استغرب
انا حاسه ان المنظار ما دخل معدتي لأني كنت ماسكته بسنوني
ما ادري بنات خايفه ان هالممرضات كانوا مهملين
ولا شرايكم
انا لقيت على ورقة التحليل قطعة بلاستيك فيها كوره صغيره صفره
هل هذي عيّنه من معدتي ؟
ماطولت بسرعه خلصت
وحاط لي العينه على شريط مصوره للمنظار
وقالي العينه اذا تغير لونها للوردي معناها انا معاج جرثومه بالمعده, طبعا عطاني مدة 3 ايام وتالي اروح له
انا على يوم ثالث تغيرت ورحت وعطاني علاج والحمدالله
اي دكتور سويتي عنده؟؟؟
عطوني بخاخ مخدر للبلعوم والعمليه كلها كانت خمس او سته دقايق مو اكثر..
والحمد لله ابد ماحسيت باي تعبت بس شوي عدم راحه اثناء المنظار
والنتيجه على طول عطاني اياها الدكتور و قال لي لازم منظار ثاني ..وعادي طلعت مافيني الا العافيه
وقعدت اسولف مع الحريم اللي بالغرفه اطمنهم لانهم اكسروا خاطري … اللي تبكي واللي تنتفض من الخرعه …
يكسرون الخاطر ..
و بعدها بسبوعين رجعت لهم وجهزوني للعمليه بس دكتور المناظير هالمره اصر انه يعطيني تخدير يقول ان العمليه هالمره اطول والمنطار اكبر شوي ..
وعطوني مخدر باقل من دقيقه حسيت راسي افتر على ..
الصراحه هالمره تعبني الدكتور تم يحوس فتره وينفخ في بطني ويصب ماي حسيت ان بطني بينفجر.. وغازات ..
واستفرغت مرتين خلال المنظار ..بعدها خلوني في الريكفري روم ساعتين وعقبها رخصوني ..
اهم شي ان النتجيه اوكي ومافيني شي .. والحمد لله على كل حال