تخطى إلى المحتوى
الرئيسية » الحمل الضعيف واحلامي الي تحطمت

الحمل الضعيف واحلامي الي تحطمت

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم

شلونكم بنات

الله يرزقنا جميعا بالذريه الصالحه

بنات حبيت اسألكم عن الحمل الضعيف اسبابه شنوووو

لان بعد عرسي بـ 7 شهوور تأخرت الدوره 3 ايام ورحت حللت قال الدكتور حمل ضعيف نطري يومين ثلاث

وان شاء الله ترتفع النسبه

حزتها كان شعوري غير

ادلع على ريلي

وكل ماقال شي قلت عشان الي ببطني

عشت احلى ايام عمري بهالجم يوم

اخترت الاسامي اذا كان ولد جذي واذا بنت جذي

لـــــــــــكــــــن يافــرحه ماتمت

نزلت علي الدوووره

وتحطمت احلامي

اسألتي

شنو الحمل الضعيف

وليش ينزل

ليش مايثبت

اسباب هالحمل

ليش هرمون الحمل مايرتفع ويضل ثابت ثم ينزل

هل في اسباب معينه

الوسوم:

14 أفكار بشأن “الحمل الضعيف واحلامي الي تحطمت”

  2. madiha
    الرد
    ان شاء الله حد من البنات يفيدج

    حبيبتي لاتتضايقي قولي الحمدالله وعسى ان تكرهوا شيئا وهو خير لكم

    وان شاء الله ربي بيرزقج بالحمل الثابت يارب

  6. mira
    الرد
    حبيبتي مدام صار حمل الحمدلله بس انتي اهتمي بنفسج وقت الدورة واكلي عشبه المدينه

    وهم زوجج يهتم بتغذيته يعني ياكل مكسرات اسماك خس جرجير

    وان شاء الله تحملين وتفرحين بشوفه ظنااج

  7. chahinez
    الرد

    لاااااا يا عطر ..

    ليش أتقولين تحطمت أحلامج ..؟

    تعوذي من الشيطان , دام الله موجود كل الأحلام بـ تتحقق بإذن واحد أحد .. لا تيأسين ..

    الحمل الضعيف .. أسبابه وايد .. منها ممكن الرحم توسع ..

    ممكن الحيوان المنوي ما علق في البويضة صح ..

    ممكن بسبب سوء التغذية ..

    أهم شي .. المرات الياية .. حطي في بالج : التغذية السليمة ..

    وأهـــتمي بالرقية الشرعية .. وإن شاء الله بإذن واحد أحد ما إييي رمضان إلا وأنتي حامل ..

    بس أهم شي حبوبة خلي ثقتج بالله قوية .. ولا أتقولين تحطمت أحلامج

  9. inzou07
    الرد
    عسا الله يرزقج الذريه الصالحه عاجلا غير اجل يارب , الحمدالله دام صار الحمل مره ربي لك الحمد ان شالله يصير مره ومرات زياده باذنه واحد الاحد لاتفقدين الامل ولا تستعيليين على رزقج يااارب قريب ان شالله تحملين عن قريب وتفرحين بشوفه ضناج

    والله ماعرف بس الي اعرفه ان الحمل اذا ضعيف فهذا يكون شي بالبويضه لمن انقسمت ماكملت انقساماتها وطاحت على شكل دوره مو متأكده بس اظن شي جذي يعني من اساس الحمل ماكان سليم .

  10. imilla
    الرد
    حبيبتي من الافضل ؟ الحمل الضعيف او لا قدر الله تولديه مشوه لانه الحمل الضعيف خصوصا اول مره تحملي يمكن البويضه ما تلقحت عدل اوالحيوان المنوي كان ضعيف حزت التلقيح او الجسم ما قبل هذا الجسم لانه اول مره بس عادي خدي الفولك اسد وخلي الدكتور يعملك تحليل الاجسام المضادة وان شاء الله ما فيك الا العافية واهم شي اتفائلي بعدك عروس وادعي واستغفري وراح تبشرينا قريب ان شاء الله

  13. chahinez
    الرد
    حبيبتي الله يعوضج ويرزقج
    انا نفس حالتج بالظبط حللت طلعت حامل وحدي عشت الدور نفس الكلام الي قلتي صارلي نفسه بعد اربع ايام نزلت دوره
    أنا اقولج شتسوين:
    -روحي عند دكتور ثقه و زين عشان اتكملين معاه
    -بعدين راح ايسويلج تحاليل ثاني يوم دورة واهو يشمل هرمون الغده الدرقيه وهرون الحليب و وايد هرمونات

    -ويسويلج سونار داخلي عشان ايشوف الرحم والمبايض
    -يوم 21 دورة في تحليل اقيسلج نسبة التبويض
    -لازم اتسوين اشعة صبغه
    -اخر شئ يحددون حالتج ايقولولج وين المشكله وشنو كان السبب

    أنا قالولي هرمون الغدة الدرقيه كان نازل فأثر علي الحمل و طاح وللحين اخذ حبوب ملوت الغدة الدرقيه

    الله كريم

    والله يرزقج ويرزقني ويرزق كل محروم

  14. kamiliya
    الرد
    قبل سنة طلع معاي حمل ضعيف وقالو تعالي بعد 5 ايام ورحت بعد 5 ايام وللحين ضعيف مع الالام في بطني وظهري لحد مايتني الدورة وبجيت يومها بجي بعدها مايصير معاي حمل لما رحت للدكتورة مع التحاليل طلع فيني غدة (خمول) وهذة هي اللي اطيح البيبي وتخلي الحمل ضعيف ومايستمر ولله الحمد والمنه بعد ماعالجت الغدة حملت على طول يارب يتمم حملي ويرزقني الطفل المعافى فجيكي على هرمون الغدة والحليب ضروري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.