الخالة خلخالة

نعم الخالة خلخالة

يعني سالفتنا اليوم يا بنيات الكويت الخالة يعني أم الريل " الزوج " يعني بالمصري الحماة
المهم نتكلم ولكن لا تنسون إن في الصالح وفي الطالح وفي الخالة اللي تنحط على الجرح تبرى من طقة أمي

ولو إن هذا شي نادر وفي الخالة اللي من طقة خالتي " ويعة يدي اللي راح ما رد "
بنقل لكم وجهة نظري واتمنى تشاركوني في ردودكم اللي تثري الموضوع وعسى وحدة من البنات تقص على خالته والخالاات يتعضون …
في أحد سفراتي وفي يوم من الأيام بعد ما حجزت تذكرتي انا وريلي وعيالي قررت الحلوة خالتي إنها تسافر معانا …. حسيت إن جبدي قامت تقلب المهم يت معانا وريلي فوق راسي الحاصل السفرة كانت لها ملكها باختصار المكان اللي سكنه فيه قررت انها تاخذ الغرفة الماستر اللي داخلها حمام والسرير الدبل وقالت حق ولدها اللي اهو زوجي ان ينام معاها شاطر يا بطل أهو شاطر لأن خله أمه تيي معانا ، ما خلصنا تو الناس في كل مطعم السنعة تجبرنا كلنا ناكل من صنف واحد طبق واحد وجبة وحدة (( ولا تسرفوا إنه لا يحب المسرفين )) مبدأها موتي من اليوع وأكلي اللي انا اكله رضيتي ولا انرضيتي ، بعدها قالت حق ولدها تعال لا تصرف فلوس انا اصرف لك احسن وقام الريال عطاها المبلغ جان تصرفله أقل من الربع خخخخخخخخخخخ واقف جدامها ينطر الباقي للأسف قالت له …………..كل يوم أعطيك شوي عشان ما ينهبونك (( اللي اهما انا وعيالي )) ادري مسخرة بس هذا الجزء البسيط من رحلتنا مع الخالة خلخالة …ويالله
كل وحدة عندها خالة قشرة تكتب لنا سالفتها المأساوية

بالنهاية
عسى الله يفك عوقكم

Jnawi