الخبيرات في حساب السعرات الحرارية دشوووو

مرحبا بنات

شلونكم؟

انا سويت رجيم والحمدلله قدرت انزل وزني من 85 لي 63 في جم شهر وطولي 172 يعني الحين اوكي بس ابي اثبت وزني او ينزل شوي اوكي هههه بس مب وااايد عشان ماصير وااايد ضعيفة يعني باختصار ابي اسوي رجيم دلع مو قاسي اهم شي مايزيد وزني واذا نقص شوي الحمدلله هع مابقول لا

بحطلكم حسبتي وقولولي صح او لا؟ تنحسب جذي او لا؟ لاني بديت شوي شوي اتعلم الحسبة عشان اعرف الي لي والي علي مثل مايقولون ههههه

اليوم ماقدرت امشي لان فيني الدورة

الصبح الساعة 11 ونص تريقت 2 توست نخالة (140) + شريحة جبن قليل الدسم (48) + شوي خيار وخس داخل السندويج (12) + جاي حليب بشكر دايت والحليب حطيت بوقوس لايت شووي(42)

العصر الساعة 4 كليت سلطة فواكة بعصير برتقال فرش بدون شكر صحن وسط (160)

المغرب الساعة 6 كليت قطعتين ويتابكس (140) + شريحة جبن قليل الدسم (48) + شوي فلفل شطة (10)

الساعة 9 شربت كوفي عبارة عن قفشة كبيرة كوفي + شوووية حليب بوقوس لايت + شكر دايت زيرو كالوري (100)

الساعة 10 كليت علوج بس مب اكسترا خخخ فتوقعت وايد السعرات الي فيه (50)

الساعة 11 العشا كان نص خبز نخالة (150) + بيضة مفيوحة صغيرة (70) + ملفوف 3/4 كوب (12)+ طماط وحدة (26) + 1/4 كوب جزر (30) + 1/2 كوب خيار (7) + 1/2 ليمونة (10)

الساعة 11 ونص تفاحة خضرة (81) + قطعة صغيرة بسكوت بكاكوو (90)

المجموع طلعلي 1226

مادري صح او لا بس حسيت روحي كليت وااايد شلون بس 1226؟ خبري هالرقم يعني دااايت ويضعف

يا حسبتي غلط يا الاكل شوي وانا مادري ههههههه

من زمان ابي اتعلم احسب بس ماااعرف

على فكرة معظم الي فوق طلعتهم من النت بس الويتابكس بروحي حسبته من القوطي وجم شي حطيت تقدير مثل العلو والبسكوت

يلا يالخبيرات جوووفووولي