بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قوه بنات
سؤال حيوي سريع
لو بتزوجين بجر امه وماعندها عقبه ولد غير ياهل عنونو
وخيروج تسكنين عندهم ولا تطلعين .. شتختاريييييييييييييييييييييين؟
بأمانه بنات ..
آنا كان بخاطري بره بس امي تقول لا تحرمينهم من بجرهم 
احس مادري *_* متردده
بره اريح انج تلبسين اللي تبين ماتضطرين دراعه وهالسوالف كل ما تنزلين لاهله + تزيد خصوصيتج
بس عندهم السكن هم له محاسنه انج تامنين على عيالج بعدين عند يدتهم وهم تانسين انا اكو احد بالبيت بس عيب السالفة انج تقل خصوصيتج
شنو رايكم
قوه بنات
سؤال حيوي سريع
لو بتزوجين بجر امه وماعندها عقبه ولد غير ياهل عنونو
وخيروج تسكنين عندهم ولا تطلعين .. شتختاريييييييييييييييييييييين؟
بأمانه بنات ..
آنا كان بخاطري بره بس امي تقول لا تحرمينهم من بجرهم
احس مادري *_* متردده
بره اريح انج تلبسين اللي تبين ماتضطرين دراعه وهالسوالف كل ما تنزلين لاهله + تزيد خصوصيتج
بس عندهم السكن هم له محاسنه انج تامنين على عيالج بعدين عند يدتهم وهم تانسين انا اكو احد بالبيت بس عيب السالفة انج تقل خصوصيتج
شنو رايكم
الوحدة شينة
وحرام احرم الام من ولدها وحرام اخليها بروحها مارضاها لامي ليش ارضاها لغيرها؟
وحسني النية وعاملي خالتج مثل امج وسهالات ان شالله
بس لو كان بجر احس لازم اسكن عندهم حرام احرمه من امه لان لو بحط مكاني مكان امه ماودي يطلع من بيتي
بس اهو البجر وماعندهم الا ثنين زوجي واخوه الصغير
مافكرت ابيت بروحي حرام امه وابوه يفرحون فيه
دام حاطين لي شقه راهيه خلاص ماكو مشاكل عادي يباااا
عن نفسي ادي بالعكس وناسه اقعد مع حمواتي وخصوصا انهم بنوتات ونستانس مع بعض
احسسسسسن من شقه بروحي لا انيس ولا ونيس وخصوصا اذا الزوج دوامه شفتات
مو نفس لما تكونين عند اهله وتغيرين جو وتخلينه اهو بعد ينزل عند امه واخوانه وحولكم يمعه وناس احسن من بروحكم جذي
أكيــد بيكونون حاطلج شقة راهية إذا مو دور كامل ؟؟
وأنتي المستفيده باجر إذا الله راد وراج دوام وعيالج
وفووق جذي ماعندج ولا حماة بالبيت يعني ماراح اتكون في
مناافسة أو اتشدين حيلج باللبس كل مانزلتي
والله راح تكوون ونااسه ولمه
وانتي عاد اعتبيرهم اهلج
والله يوووفقج
اذا سكنت عندهم اقعد التزم وازور وانزل يوميا او يوم وترك والتوجيب اكثر
برا اريح نفسيا
وعلى قولة امج لاتحرمينهم من بجرهم !!! شحقه متزوج !!
انا شخصيا افضل السكن خارج بيت الحموله بس اذا قالو انه اسكن معاهم اسكن معاهم فشله اشرط ابي بيت بروحي
لا حبيبتي اكيييييييد معااهم
ليش احرم الولد من امه .. واكيييد بيدللوني بعد لاني مرت البجر
سؤال خارج النص .. جم عمرررج ؟؟
تولاي .. اي اهني المشكله لو احرجوني .. وبعدين اهيا امه قالت تعالي شوفي شقتج لو مايازتلج عادي سكنوا بره او بالمكان اللي يريحكم .. بس تخيلي اروح بيتهم واطل عليه وبعدين اقول ها لا ما عجبني المكان ولا صغير .. احس فشله وابطلع بالشينه صح ؟
رزه مرتزه .. هالشي توفيق من رب العالمين ادعولي يكون نصيبي زين ونصيب البنوتات اللي نفسي انطروا وصبروا وربي فرجها بعد معاناة
حبيبتي عمري فوق الـ 23 ^_*
لو بيسكنونج بغرفه وحمام عزج الله اهني اقولج صح هذي مافيها خصوصيه بس شقه تماااام
فكري فيها لو اخوج وامج انحطوا بهالموقف ماراح تتضايق امج ان ولدها بجرها طلع وخلى لهم البيت ؟
بعدين سكنكم ببيت اهله له فايده لج اول شي أأمن لج ولزوجج لو دوامه شفتات ماتحاتين النومه بروحج ولو باجر ع وقت العيال تامنين ع عيالج عند خالتج وحمواتج ولو ضاق خلقج تنزلين لهم وتغيرين جو واهو بعد مايمل 24 ساعه متقابلين وماعندكم شي عكس لمتكم مع اهله
اعتربي اهله هم اهلج وعامليهم مثل امج وابوج وخواتج واخوانج بتصير السالفه سهالات والله يوفقج
صج آنا كله افكر جذي لو امي وبجرها مو حلوه تاخذه العروس بره
وامه شكلها حبوبه الله يهديها لي ويهديني لها
آنا قصدي اني احب الكشخه وايد .. الكشخه البسيطه
فا ما احب اكون اقعد مثلا من النوم واسوي شعري كيرلي او تسريحه بعدين اظطلا انزين تحت والبس شيله ودراعه " اكره الدراعه
"" " لأني انقمت فيها … بس باستخير ويارب يكتب اللي فيه الخير
عاد آنا من الحين عادتها امي .. وآما كلش مو شرية بالعكس بسرعة ينقص ويهي وخدايو .. ان شالله يطلعون خوش ناس يارب
موفقه حبيبتي الله يتمم عرسج على خير