الخدامة مدرسة اذا اعددتها اعدتت شعبا طيب الاعراق!!

يسلم راسج والله. وترى استانست حرومة انج من حزبي ادعي ان نزيد

تجربتي الخاصه مااحب اعيالي و اهم رضع بايد الخدامه خذيت اجازه من غير راتب لما تكبر بنوتي و بعدها ارجع الدوام و اتركها مع الخدامه تحت عين ام ريلي و عيالي الكبار بالمدارس رجعتهم معاي

و نفس شي لما كانو عيالي صغار قدمت استقالتي دخلو مدارس رجعت الدوام

و ترى في امهات بالبيت بس بالاسم و عيالهم 100% عند الخدم و تقول انا بالبيت علشانهم !! المهم شلون تقضين الوقت مع اليهال مو شكثر انت معاهم هذا رايي

ام يويو عزيزتي احترم وجهة نظرج لكن اسمحيلي شنو الضمان ان الخدامة زينة مع عيالج اثناء دوامج؟كلنا نعرف ان الدوام سبع ساعات تقريبا تعتبرينها مدة قصيرة؟؟ اذا رجعت تحط راسها وتنام والبيبي لازال عند الام البديلة جذي طار اكثر من نص اليوم كل هذا شي عادي؟

الطفل يكتسب اي تصرف اي كلمة واهوا مجابل هالخدامة نص يومه وانا اجزم ان اليوم كله بعد لان معروفة بصراحة امهات هالايام يدورون الراحة وأقولها عن قناعة مالها خلق اتبدله او تنومه او تأكله والي لها خلق مجرد تراقب من بعيد وهذي فيها الخير والله طبعا موضوع الطبيب يبيله سالفة بروحه لكن أنا موضوعي من باب التنبيه لان لاحظت هالشي صار من البديهيات ترك العيال مع الخدم بروحهم باعذار واهية
يا جماعة ليش نبي نطلع الغلط صح؟ بس بعرف ليش كل وحدة تبي تقنع مو بس نفسها لا تبي تقنع الحريصة بان إهمالها صح وحرص الحريصة غلط
بسنا أعذار وتبريرات يا امهات ترك الطفل مع الخدامة غلط غلط غلط وانا عطيت بدائل اليدة او الحضانة اليدة تخاف على حفيدها والحضانة تخاف على سمعتها بس الخدامة شتخاف منه؟
جرائم يومية وباختلاف الأسباب الخدامة الي تقتل سفارتها غصب عالي مايرضى بتلزم الكفيل يسفرها بحجة مريضة نفسيا
اطفالكم اكبادكم تمشي على الارض
حرام والله حرام تطقه او تعذبه او حتى تزني بوجوده هالطفل مو ذنبه نهائيا ان امه موظفة

جذي احطج على راسي اي هذا السنع أنا قصدي عدم تركهم وحيدين بدون اي رقابة مع غريبة ماتعرفين نواياها وصح كلامج أنا معاج ان الكيف اهم من الكم لكن أنا رسالتي للي تفضل وظيفتها على ضناها بحجج واهية وربي يجعل عيالج بارين فيج

اي ام يويو أنا قارية موضوعج اذكر والله يعطيج العافية بس هم ماتركتي مع الخدامة بشقة بعيييييدة وبروحهم لا في احد بالبيت ممكن تخاف الخدامة

صراحه اضم صوتي لصوت العاطفيه ,, و مافي مهنه أعظم من الامومه و الاجر اهم من المعاش ..

الا ف حالة اذا مافي معيل للأسرة الا هالام ..! .. بس هم بعد افضل حد من الاهل يمسك عيالها ..