بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم كويتيات
بنات انا متازمه من سالفة الدجاج
احس اني ما اضبطه
وتعبت وانا احاول اضبط
ادق على امي وادش اليوتيوب
وادش المنتديات
وللحين احس اني ماضبطته
قولولي شنو احسن نوع
واحس حجم للدجاج
وشلون انظفها واحمسها
ابي اضبطها عدل
بيضو وجهي عند زوجي قبل لاتجي الخدامه ويصير المدح لها .gif "Eh S(11)")
ابصير سنعه وشقرديه عنده
.gif "Eh S(15)")
السلام عليكم كويتيات
بنات انا متازمه من سالفة الدجاج
احس اني ما اضبطه
وتعبت وانا احاول اضبط
ادق على امي وادش اليوتيوب
وادش المنتديات
وللحين احس اني ماضبطته
قولولي شنو احسن نوع
واحس حجم للدجاج
وشلون انظفها واحمسها
ابي اضبطها عدل
بيضو وجهي عند زوجي قبل لاتجي الخدامه ويصير المدح لها
ابصير سنعه وشقرديه عنده
مابي زفره ولا ابي الدجاج يقعد ساعه يعلج فيها
متى اطلها من الفريزر
ومتى اغسلها وانظفها ومتى
الدجاجة طلعيها من الليل وصبي عليها ماي فاتر
الصبح اذا ذاب الثلج غسليها ونظفي الاحشاء وشيلي الدسم اللي عالمؤخرة (نهاية الذيل )
في ناس تفرك داخلها بخل او ليمون
او طحين انا شخصيا اكتفي بالغسيل
وما تطلع زفره معاي
نشفيها عدل
فركيها من داخل ببهارات مطحونه واهم شي الكزبر والكمون
للسلق
بالجدر سمن نباتي بصله مقطعه
قلبيهم شوي وظيفي بهارات كامله
دارسين -هيل – مسمار (في انواع بالجمعيات مخلوطة جاهزه )
لما تشمين ريحة البهارات والبصل
حطي الدجاجة
ووخليها دقيقتين مع التحريك بشويش عشان ما ينشال الجلد
وقلبيها الناحية الثانية
صبي عليها ماي وخليها تغلي
تاخذ ساعة كاملة تستوي اذا حجمها كبير
او ثلاث ارباع الساعة اذا وسط
اذا استوت طفي النار وخلي الدجاجة بماء السلق 5-10 دقايق هالخطوة تخلي الدجاجة تمتص ماي السلق شوي وماتصير ناشفة
طلعي الدجاجة وكملي طريقتج للرز
وممكن تدهنين الدجاجة بخلطة بهارات ومعجون طماط وزعفران وتقلينها بعد ما تبرد او تحطينها بالفرن تتحمر