الدكتورة جي

اقتباس:

المشاركة الأصلية كتبت بواسطة cup-cacke روحي استشاره وشوفي اذا زينه او لا

ثانكس على ردج عزيزتي

اقتباس:

المشاركة الأصلية كتبت بواسطة بينكش صراحه انا قريت يمدحونها في هالمنتدى فتوكلت على الله وسويت عندها بس للحين توني مسويه العمليه ما صارلي كم يوم فما اقدر احكم عالنتيجه هي كشخصيه وايد تطمنج وتريحج سو فار النتيجه اوكي بس ما بقدر احكم بشكل صح الا لما يمر وقت

كلمينا عن تجربتج بالضبط

جوري

توكلي على الله انا كنت خايفه وايد الدكتوره تسوي يومياً عدة عمليات في الخليج
تجربتي انا رحتلها قبل العمليه بيوم عشان تشوف بطني وتاخذ قياس وتشوف العضلات ثاني يوم الصبح رحت المستشفى دخلوني الغرفه يت الدكتوره خططت بطني ٫٫ حطولي ابرة اليد حق المغذي والمخدر ويلست ادعي واستغفر لين بعدين ودوني العمليات وقعدت تكلمني الممرضه لين رحت في عالم ثاني ونشيت على الافاقه وهم ينادون اسمي طبعا متخدره واحس برجع ورجعت طبعا لا حسيت بويع ولا شي لاني متخدره بس حاسه يلبسوني المشد والقسطره الله يعزكم ٫٫ بعدين ودوني الغرفه دايخه وتعبانه وتميت ارقد لاني ملانه ثاني يوم بدوا يمشوني فالغرفه طبعا القسطره والثاني حق تصريف الدم يضايق لما تمشين بس لازم وبعدين شالوهم عني ورخصوني بعد ٢٤ ساعه مافي عوار يذكر لانه يعطونج البين كيلر وحتي في البيت يعطونج اياه

اول ٥ ايام شوي صعبه بس يالسه الحمدالله الحاله تتحسن

الجرح مثل جرح شد البطن العادي من جانب عظمة الفخذ الايمن للايسر ويكون نازل على تحت يغطيه البانتيز و السر مكان يديد

اقتباس:

المشاركة الأصلية كتبت بواسطة بينكش صراحه انا قريت يمدحونها في هالمنتدى فتوكلت على الله وسويت عندها بس للحين توني مسويه العمليه ما صارلي كم يوم فما اقدر احكم عالنتيجه هي كشخصيه وايد تطمنج وتريحج سو فار النتيجه اوكي بس ما بقدر احكم بشكل صح الا لما يمر وقت

الحمدلله على سلامتج حبيبتي..
انتي سويتي شد انا بسوي شفط وتكبير صدر ,, الله يستر ويرزقنا النتيجة اللي نبيها

اقتباس:

المشاركة الأصلية كتبت بواسطة لعينيك أمي أنا من زمان أبي أسوي شد للبطن بس ما أبي عند دكتور أبي دكتوره تمدحوها يعني ؟؟ و ين بأي منطقه واي مستشفى وبكم بس شد البطن

والله مادري انا بسوي شفط بالليزر..
والدكتورة بمستشفى رويال حياة بالجابرية..