بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قووووووة بنااااااااااااااااااااااات بغيت اسألكم عن الدكتور ابراهيم البديوي ؟
اشلون طريقة بالدرجات ؟وتعاملة مع الطالبات يعني ابي نظامة من ناحية التعامل والتوزيع الدراجات وامتحاناتة سهلة ولا صعبة مقاالية ولا مو ضوعية ؟؟؟؟؟؟؟ وسلمان العنزي ثقافة اسلامية ؟وسلامتكم
وايد اقررق ماعلية بنات تحملوني 
قووووووة بنااااااااااااااااااااااات بغيت اسألكم عن الدكتور ابراهيم البديوي ؟
اشلون طريقة بالدرجات ؟وتعاملة مع الطالبات يعني ابي نظامة من ناحية التعامل والتوزيع الدراجات وامتحاناتة سهلة ولا صعبة مقاالية ولا مو ضوعية ؟؟؟؟؟؟؟ وسلمان العنزي ثقافة اسلامية ؟وسلامتكم
وايد اقررق ماعلية بنات تحملوني
نطري بشوف لج تقييم الدكتور
هذا حسب تقييم الطلبه بقيم دكتورك حق مواد غير اللي انتي مسجلتها ..
دكتور محترم و تعامله مع الطلبة ممتاز
و محاضرته حلوة تطلع منها مستفيد و فاهم
و ما عنده مشكلة يعيد مرة و مرتين الأهم تستوعب
و يهتم بالحضور و الغياب و ما يحب أحد يتأخر
على المحاضرة إلا إذا في سبب يسامح
و طلعت بالمادة عنده 100 الحمدلله
الله يوفقه و يكثر من أمثاله =)
…………………
الدكتور حقااااانى وعادل ومحترم وامتحاناته سهلة حيل الله يوفقه يارب
………………
بصراحة الدكتور حده محترم و مؤدب صج ان شويه صارم مع البنات بس حرام وايد زين امتحاناته حده سهلة عبارة عن امتحان قصير 10 درجات و فصلي 40 امتحانين ياخذ الاحسن طبعا واحد اجباري و الثاني اختياري و 10 حضور و غياب 40 فاينل بس الدكتور وايد زين
و الدكتور ما يرضي احد يدش وراه القاعة
5/4.2
ان مستوى الاختبارات سهل
وشرح المدرس شرح جيد جدا
والأغلبية حصلو على تقدير b
بإختصار ننصح به
انزين ماعليج أمر الدكتور سلمان العنزي ثقافة اسلامية لاخلا ولاعدم
ثقافه اسلاميه ..
…
الدكتور سلمان غير
حبوب و محترم يساعدك لوول و متفهم حده
لكن ما يشرح الكلاس يروح سوالف و ضحك و قصص و مواقف
يعطي درجات بالهبل
انت بس انسخ بذمه و احظر لا تغيب و احفظ معاه القصيده ظمنت النجاح باقي بس امتحاناته
امتحاناته ماشي حالها مقاليه مو صعبه مباشره
اهو اساسا بيكون معطيك سؤالين من الاسئله قايل انها بتجي بالامتحان
صراحه انصح فيه اذا حصلت عنده لا تفوت الفرصه
…………
أحسن دكتور شفته بحياتي من تعامل وشرح و درجااااااات
عجيييييييييييييييييييب بصراحه اخذت عنده ماده اسمها عقيده بعد
اهي مو مطلوبه علي بما اني بالاداب بس والله اخذتها عشان يدرسني وجبت فيها a
…………..
بصراحة انا خذيت عنده بالصيفي ولاعت جبدي الدكتور حده يرفع الضغط بس انا سمعت عنه ان زين بس يمكن ليش صيفي كان جذي ما ادري كان كارفنا واجبات و تلخيص و نسخ و كان الحلو ان كل فرقة كنا نمتحن فيها كوز بس كان ايبنا السبت تخيلو انداوم يوم السبت يشرح بعدين يمتحنا بصراحة كنت متازمة منه لدرجة كنت ما اتحمله بالمحاضرة بس بصراحة تيبين a بسوله الصج ينقال و ما يحب احد اغيب لازم عنده اللي ما غاب ايب a
انصح فيه بغير الصيفي عشان ما ينكرفون و المشكلة كان يوعدنا باشياء و ينسى
…………..
ما انصح فيه حرام المادة سهله واهو صعبها واااااااااايد خلانا ننسخ 4 كتب مادري ليش وشنو الحكمة مادري تعبنا وياه على الفاضي . ما عطانا امتحان ميدتيرم وجمعها كلها مع الفاينل يعني شنو هالدكتورة اللي ماعنده مسؤولية ويموت على شي اسمه قرقه وياكثر مايطلع برة الموضوع ويطنز ويسولف وايد بره الدرس ولما ايييه اخر الكورس يستوعب انه في كمية كبيرة بقت لنا فا يخلص الدروس كلها اب محاضرة وحده وفوق هذا كله خذيت بالاخير c صج انا حقدت عليه وعلى نفسي اني كنسلت مادة علشان اخذ عنده وبالاخر نزل معدلي بسبت مادة سهله والكل المفروض ياخذ a عنده ما انصحكم فيه حتى لو اهو الوحيد الموجود لان صج راح تتعبون .. عباله ما عندنا غير هالمادة اللي نقعد نكرفله طول الكورس اب طلباته اللي كانت اتخلص الله يسامحه صج اذانا معاه
…….
فيه اللي يذم واللي يمدح ..
امتحاناته وايد سهله وحلوه ويعلمنا امور الدنيا والدين ومتفاهم وخوش واحد
اخذوا عنده وانسالله a
……….
السلام عليكم
الماده انا ماخذتها عند دكتور سلمان الكورس الثاني 08
راح اقولكم ملاحظاتي عليه :
1- ما يحب الغياب و لا التاخير
الحضور و الغياب عليه 10 درجات
و قالنا اللي ما تغيب و لا مره حتى لو عندها ظروف لو شنو ما كان راح تاخذ 20 درجه
2- عطنا تقريبا اربع كتب يبي تلخيصها بعدين جان يقولنا نسخوهم نسسسسسسخ طبعا هذول بروحهم يهدون الحيل
3- من الكتب اللي عطانا ننسخهم كان في كتاب عن عثمان بن عفان رضي الله عنه دخل جزء منه بالامتحان معانا
4- ما كان في ميدتيرم كلش و السبب انه كله ما نسئله متى الميدتيرم ياجل لمن ما قدرنا ناخذه جان يقترح علينا انه الفاينل يخلي درجاته اكثر و بس نمتحن الفاينل و جنه الفاينل كان عليه 70
5- الفاينل كااااااااااااان طويييييييييييييييييييييييييييييل بس نوعا ما زييين في جم سؤال اهو قايلنا انه بييبهم
6- عطانا قصيده اسمها اختاه يابنت الخليج تحشمي و يبينا نسمعها كلها
7- اخر الكورس عشان القريدات كان قايلنا على يوم نييله و كل ما نروح يا ما يحط الدرجات يا يقول تعالو اليوم اللي بعده و هذه حالتنا تقريبا لمده 3 او 4 ايام لمن قالنا اخر شي شوفو الدرجات بالسستم و كنا حاطين ايدنا على قلبنا لانه خايفين ينزل قريد مو زيين
بس الحمدلله خذيت a بس في بنات انصدموووو بدرجاااتهم
بالنهايه اللي بياخذ الماده عند الدكتور خل يشد حيييله و ال a ان شاء الله لي خذيتوها بتكون بجهدكم و تعبكم
بس الدكتور مو سييييء انصح تاخذون عنده بس اذا لقيتو الافضل اخذو عند الافضل
و موفقين
واجمعين ان شاء ألله ,,
لاتطوفينه بعد نصيحــــــــه