بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم
حبيباتي انا سعودية واحب اعرف معلومات عن الدكتور يوسف البدر في الطب البديل مين منكم مجربتة واذا عندكم معلومات عن علاج الذئبة الحمراء لاتبخلون علي
السلام عليكم
حبيباتي انا سعودية واحب اعرف معلومات عن الدكتور يوسف البدر في الطب البديل مين منكم مجربتة واذا عندكم معلومات عن علاج الذئبة الحمراء لاتبخلون علي
أعرفه من زمان من قبل لا ينشهر . بس ما أنصحج فيه .
والله اني محتاره اكمل معاه ولا لا
أختي الغالية
ممكن أعرف شنو حالتج … يمكن نقدر نساعدج
ولا تغترين الهابين بالعلاج بالطاقة والخرابيط صدقيني صايرة هاليومين تجارة رائجة ولو أبي أقدر أسوي نفسهم وأطلع ذهب .
أنا عن نفسي صار لي موقف مع شخص ثاني يعالج بالغذاء رحت أستشيره بس ما أرحت له مع أنه شكله يوحي أنه ملتزم بس لأسف أنصدمت منه كلامه يناقض شكله يقول لي ليش قاعدة بعيد !!! وكلام ماله داعي وفي الآخر عطاني شريط أسلامي لووول
لو هو يسمع الشريط أبرك له الله يهديه
ويعني الواحد ما يبي يحش بس البدر من أول مرة تعاملت معاه عرفت أنه مو مضبوط يقول لي أصلا الورد المجفف اللي تشترونه من لندن مخلوط بنشارة خشب ولما شريت من محل البدر طلع الورد اللي عنده كله نشارة خشب . وشغلة ثانية كان يبيع كريم ألماني يزيل الشعر نهائياً وبالأعشاب وسعره غالي وقال لي أنا أستخدمه بنفسي . ولما سألت دكتور جلدية ثقة ودين عن الكريم قال لي أنا كل سنة موجود بألمانيا وعمري ما سمعت عن الكريم هذا . ونصحني ما أستخدمه .
أختي الغالية أنتي نفس مرض أختي بس الحمدلله الحين حالتها مستقرة وأن شاء الله ما يرجع لها المرض
بس بقولج نصيحة هامة >> لا تتهاونين بمرضج ولا تروحين حق العشابين ولا الطب البديل ألتزمي بدواء الطبيب
ما أبي أخوفج بس صديقة أختي نفس مرضها تهاونت بعلاجها وراح لوحدة أخصائية أعشاب تعالج بالأعشاب قالت لها أتركي دواء الطبيب وألتزمي بعلاجي وللأسف تدهورت حالتها وتوفيت … الله يرحمها
فأنتي يا حبيبتي الغالية ألتزمي بعلاج الطبيب ولا تهملينه >> وعالجي نفسج بالفاتحة أقرأي الفاتحة بقلاص ماي 7 مرات مع النفث وأشربيه بنية الشفاء . وحاولي يومياً تصلين قيام الليل بسورة البقرة لأن قيام الليل يطرد الداء من الجسد وسورة البقرة بركة ومع الألحاح بالدعاء >> والصدقة ثم الصدقة ثم الصدقة أدخلي مواقع وأقرأي قصص عجيبة عن ناس تشافبوا من أمراض ميئوس منها من بعد ما حرصوا على الصدقة . وأكثري كثر ما تقدرين بالأستغفار وكثرة الصلاة على النبي صلى الله عليه وسلم . وأسأل الله العظيم رب العرش العظيم أن يشافيج شفاءاً تاماً ويلبسج لباس الصحة والعافية … آمين .
انا ماتهاونت ابد بعلاج الطبيب بس ادور علاج نهائي من هالمرض ومستحيل اوقف العلاج بدون وصفة دكتوري
والحمد لله حالتي الحين مستقرة بس اخذ ادوية نفسي يوقفونها لي وكل شي بيد الله سبحانه لاتنسيني من دعواتك
راح أدعيلج يا قلبي
صحيح سمعتي شريط أسباب منسية لخالد بن جبير ؟ أذا لا .. أنصحج تسمعينه