الديوان الاغبر وفتره التسجيل الاستثنائيه بالتربيه

يعني مطولة حيل حيل
الله يعينج شتسوين بعد نطري

المكسيكيه
من قلب متخلف

بايبي فيس
للاسف واسطه بالديوان ما عندي
لو عندي جان وقعت كتابي
وخلصت وافتكيت من الديوان الغبي

فراوله
اس والله غربلونا
على قولت ابوي هذي سياسه تطفيش معروفه

الله كريم

سيده الذوق
ربي بياخذ حقي منهم

المكسيكيه
الوضع للحين
بنطرووني لاول 4 عشان يوقعونها
وانا قاعده احاول ادبر لي واسطه اوقعها قبل شهر 4

عشان استلم مباشره العمل بشهر 4
الله كريم

والله انا لو اقولج شنو صار معاي ما اتصدقين، شفت العجب والعجاب منهم

اول ما سجلت بالديوان بعد شهر طلع اسمي بالشؤون ما كنت راضيه بس قلت يلا بتوكل على الله

وتخيلي بعد ما سويت اجراءاتي وركضه وتعب وروح وتعال لمدة شهر قالت لي الوزارة خلاص انطرشج

المجلس الاعلى للمعاقين للعلم انا تخصصي علم نفس ، يعني طبيعه الشغل ماشية مع تخصصي

وعلى حظي مسؤولي كان مو زين والله لا يربحه دنيا واخره كان حاط علي من اول يوم شافني

ما ادري بعض الناس فيهم مرض استغفر الله يحقدون على ناس ثانيه بدون سبب ، قلت حق ابوي يبه مسؤلي

ذابحني وانا حاليا في فترة الصلاحية خلاص بطلع قبل لا اسوي اجراءات التعيين ، احس ربي مو كاتب لي اهني

وقال كيفج وعصب ، وبعد امراكض اسبوع عشان اسوي كتاب في وزارة الشؤون اني رافضة الشؤون قالوا لي

باقي بس اتروحين الديوان وترفضين واتكملين اجراءاتج ، ويوم رحت صدمة عمري قال لي الموظفه بكل برود

انتي منو قالج ان طالع اسمج بالشؤون واشلون سويتي اجراءاتج انتي طالع لج مؤهل للترشيح

قلت لها اشلون شتقولين ؟؟؟ شتخربطين؟؟ حتى رحت الوزارة واسمي نازل عندهم؟؟وكل يوم ادش

الموقع ويطلع مبروك تم قبولك في الشؤون؟؟ اشلون انتو على كيفكم اتردوني، على الاقل بلغوني

شنو اهيه لعب يهال!!!! يعني تخيلوا كان فيه احتمال اسوي اوراق التعيين واخر شي اهمة ما يبوني

شقول بس !!! الديوان ظالمنا ، وان شاء الله الله ياخذ حقنا