الرسمية مع الحمولة س وج

صاجه اذا ما كنتي رسمية بتصير كتاب مفتوح

اكبر غلطه سويتها بحياتي اني اعتبرت حمولتي مثل اهلي بدون حدود وكنا مانخش شي على بعض واخرتها انصدمت فيهم بس حسبي الله ونعم الوكيل… صج غلطت لما كنت كتاب مفتوح لان على نيتي عبالي خالتي مثل امي وعمي مثل ابوي…

بس لازم يكون في حدود وودي اتعلم شلون اسوي هالشي بالتدريج

اهم شي الرسميه في التعامل معاهم لان نفس ماقالو البنات بتصير حياتج كتاب مفتوح والكل بيتدخل فيها

ودج ما تسالين وايد علشان مايتجراووووووووووون عليج ويسالون … واجابتج علي اسالتهم تكون مووووووووووشافيه ومو واضحه …

اذا صار الشي على قولتج جك بم عبالهم انج زعلانه ولا فيج شي

بس اهم شي ان الريل يكون عنده خبر.. يعني انشالله انا لي رجع زوجي من السفر بالسلامه راح اقوله يا فلان في اشياء راح تتغير بس مو معناته ان صاير شي بس انا حسيت ان هالشي غلط ومفروض يتعدل..راح يسألني شنو؟ راح اقوله…….

والله مادري شقوله؟؟؟

بس لازم ريلي يعرف اني انا موزعلانه عليهم…اهم بطقاق خل يفكرون الي يفكرون ماهموني..الي يهمني ريلي…

مابي لي شافني قاعده ساكته او ماادش داخل عندهم عباله ان صاير شي بيني وبين اهله…

يا ربي شسوي؟؟

تقول لاتقولين عند حمولتج زوجي شرالي والا رحت شريت وسوينا وطلعنا لان مره كبيره صح استانست وعاشت اللي عشتيه واكثر بس الحين ماعندها مثلا اكيد كل وقت له شي بس عاد شتقولين طبيعه البشر فلا تقولين رحنا وطلعنا وسوينا بس المشكله بالريل يتكلم بعد عباله زين مايدري قاعد يثير غيرة امه حتى لو تسوي نفسها مستاااااااااااانسه عشانه اهيه مهما كان بشر

وعن الفلوس بجم شريت وبجم حطيت عشان مايقولون نتفته تلقين اول مره تشترين هالشي واخر مره ههههههههه بس مايدرون شدراهم

يعني هالنقطتين طرو علي