السلام عليكم ورحمة الله وبركاته
هذي اول مره اشارك فيها بهالقسم
وعندي موضوع وابي ريكم فيه لاني محتاره الصراحه
وموعارفه شسوي
الله يسلمكم موضوعي اهوا عن الزواج من غريب
اول شي وقبل كل شي احب اقولكم عن عايلتنا اشوي عشان تتضح الصوره
انا عمري 23 واختي الاكبر مني عمرها 28 والصغيره 19
يعني كلنا بعمر الزواج
المشكله كل ما يتقدملنا احد امي ترفض او ابوي بس اكثر شي امي
امي ترفض لان اغلب اللي يتقدمولنا غرب ما نعرف عنهم شي
اللهم اسم عايلتهم وحتى اهلي ما يكلفون نفسهم يسألون يعني رافضين الفكره من الاساس
مع ان اخواني ما يعارضون بس امي هي اللي رافضه
اما الاقارب فاحنا اكثر قرايبنا من الاساس رافضينهم لان في بينا مشاكل
واصلا احنا ما نطلع من البيت ومحد يعرفنا الا قرايبنا يعني فرص الزواج قليله
من يومين ناس قالوا بييون يخطبون يبون منا موعد بس الصراحه الكل ساكت
انا مو عارفه شسوي … بالنسبه لي ما عندي مانع مبدئيا بس خايفه
قلت لاختي الكبيره هم نفس شعوري مو عارفه شتسوي بعد
فأنا مادري اذا قلت لامي اتقول غرب وما انعرف عنهم ويمكن يطلعون مو زينين ..الخ من هالحجي اللي ايحبط
مع اني اقدر ااثر على امي بس شعور الخوف فيني قووووي ..
مو خوف من امي لا الخوف من الحجي اللي اتقوله امي انهم يمكن مو زينين ..الخ
هم بعد مو معقوله جذي اختي كلها سنتين وبالثلاثين واغلب اللي كبرنا متزوجين.. يعني ما يصير جذي .. موحاله هذي
اذا ضلينا على هالتفكير ماظن بنتزوج ..
ابي رايكم بنااااااااااااااااات انصحوني شسووي
واشرايكم بالزواج من غريب
واللي متزوجين غرب يا ريت يحطون تجاربهم اهني عشان نستفيد
السلام عليكم ورحمة الله وبركاته
هذي اول مره اشارك فيها بهالقسم
وعندي موضوع وابي ريكم فيه لاني محتاره الصراحه
وموعارفه شسوي
الله يسلمكم موضوعي اهوا عن الزواج من غريب
اول شي وقبل كل شي احب اقولكم عن عايلتنا اشوي عشان تتضح الصوره
انا عمري 23 واختي الاكبر مني عمرها 28 والصغيره 19
يعني كلنا بعمر الزواج
المشكله كل ما يتقدملنا احد امي ترفض او ابوي بس اكثر شي امي
امي ترفض لان اغلب اللي يتقدمولنا غرب ما نعرف عنهم شي
اللهم اسم عايلتهم وحتى اهلي ما يكلفون نفسهم يسألون يعني رافضين الفكره من الاساس
مع ان اخواني ما يعارضون بس امي هي اللي رافضه
اما الاقارب فاحنا اكثر قرايبنا من الاساس رافضينهم لان في بينا مشاكل
واصلا احنا ما نطلع من البيت ومحد يعرفنا الا قرايبنا يعني فرص الزواج قليله
من يومين ناس قالوا بييون يخطبون يبون منا موعد بس الصراحه الكل ساكت
انا مو عارفه شسوي … بالنسبه لي ما عندي مانع مبدئيا بس خايفه
قلت لاختي الكبيره هم نفس شعوري مو عارفه شتسوي بعد
فأنا مادري اذا قلت لامي اتقول غرب وما انعرف عنهم ويمكن يطلعون مو زينين ..الخ من هالحجي اللي ايحبط
مع اني اقدر ااثر على امي بس شعور الخوف فيني قووووي ..
مو خوف من امي لا الخوف من الحجي اللي اتقوله امي انهم يمكن مو زينين ..الخ
هم بعد مو معقوله جذي اختي كلها سنتين وبالثلاثين واغلب اللي كبرنا متزوجين.. يعني ما يصير جذي .. موحاله هذي
اذا ضلينا على هالتفكير ماظن بنتزوج ..
ابي رايكم بنااااااااااااااااات انصحوني شسووي
واشرايكم بالزواج من غريب
واللي متزوجين غرب يا ريت يحطون تجاربهم اهني عشان نستفيد
انا عندي اثنين من بنات خالتي وحدة خذت ولد خااالي وماصااار توافق بينهم والحين بيطلقون والثااانية خذت واحد ماتعرفة كلش وحيااتهم فوق الراحة والسعادة واللة لا يغير عليهم
اساسا الزواج مالة شغل اذا قريب ولا بعيد عليج بالريال واهلة اذا كانوا زينين واااافقي وكثري استخارة قبل مل شي
وهم مايصير جذي قولي حق امج ان اختج كبرت ولازم تشوف حياتها واللة يوفقكم يااارب ويرزقكم بالازواااج الصالحين
والله حبيبتي أنا من معارفنا وايد خذوا غريب من بنات وشباب وما شاء الله الله يتمم عليهم حياتهم خير والبركه ودام الشخص إنتي مرتاحه له قولي رايج فيه جدام والدتج وهذي حياتج يا الغاليه وإن شاء الله الوالده يحن قلبها وتوافق على الغريب وأنا من نظري الزواج من الغريب أفضل من القريب ويقول المثل روح بعيد وتعال سالم
ما دري ليش نظرة الأهل بعضهم مع الأسف لازم من الأهل ولا لأ ولكن الناس أغلبيتهم ما شاء الله صاروا ياخذون من بره الأهل وصاروا يناسبون الغريب إن كان الولد متزوج غريب ولا البنت متزوجه غريب عادي حبيبتي ما فيها شيء إذا النصيب ياج من بره العايله
والله القرايب اغلبهم وراهم مشاكل مب الكل بس الأغلب
اهم شي انتي صلي استخارة والي فيه الخير ربج يجدمه
اولا استخيري كم مره تقريبا كل يوم مره او اكثر واستشعري دعاء الاستخاره لان الله اعلم بخلقه واذا لجاتي له بيدلك على الي فيه خير لك وخواتك
ثانيا قولي لامك احنا موافقين على البعيدين بس اسالوا عنهم زين والله حرام يمكن زينين وماعليهم قصور وتضيعون نصيبكم بس اهم شي السؤال اذا ابوك مو موجود اخوانك او غيرهم
اولا واخرا ربي الموفق ادعيه في كل وقت وتوكلي على الله ولاتخافين والله ياكثرهم ماخذين اغراب ومتوفقين الحين الناس ماياخذون اقراب لان العداوات كثيره وياكثر ماخذين اقراب وتطلقوا الله يوفقك ويرزقكم الازواج الصالحين الحلوين
واذا ماتعرفونهم سألو عنهم .. سألو الريال وين يشتغل ومنو ربعه ووين يروووح
وسألو عنه بداومه بدوانيته وعند ربعه وبالمسيد اللي يصلي فيييه
سألو عن بيتهم عن اهلهم شلون طبايعهم وشنو اخلاقهم
هذا ااهم شي
الدنيا صغيره وكلمن يعرف الثاني
بس انتو سألو ودورووو وبتلاقون ناس يعرفونهم
احنا قبل ايام الجاهليه جذي كله من العايله
لوووووووووووووووول
بس الحين لا قمنا ناخذ غرب
بصراحه لمن الواحد ياخذ ناس غرب .. العايله تكبر والحموووله تكبر والمعارف تزيد
اول شي ماتكونت في امراض وراثيه بينكم
وثانيه شي تبتعدون عن مشاكل الاهل والمجاملات والغيره وغيره وغيره
مادي امج وايد حساسه من هالموضوع اذا محد يتزوج الا من الاهل عيل نص العالم عزوبيه
قعدوا مع امك وقنعيها والله يوفقكم
وكثري استخاره ترا تمشي موضوع اذا بصالحج ونفس ماقلتلج قوليلهم ترا حرام تعذربون وانتو ماسألتو ونصيبنها واقف والي كبرا واصغر تزوجو ترا مايجوز وحرام وسلامتج والله يوفقكم ان شالله ويرزكم الرياييل الزينه
ومشكورين عى دعاويكم لنا
الله يوفقكم ان شاءالله
ابصراحه كلامكم هذا عطاني الجرأه
وكلمت امي وحاولت اقنعها وان شاءالله خير يارب
ولا تنسون تدعون لنا بعد بان الله يتمم علينا ان شاءالله ويوفقنا
….