بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام
حياااااااااااااااااااكم
اليوم انطرح نقاش من البنات بالدوام و حبيت اسولف وياكم
الى اي مدى لازم الرجال يصرف على البيت و الزوجه و الاطفال ؟
هل لازم يعطيج مصروف بايدج حتى لو انتي تشتغلين؟
هل يكفي انه مسؤول عن الاتزامات (اجار -سفر-اطفال-جمعيه-خدم-عشاء) ؟و لا لازم يصرف عليج ؟
البنت اللي كانت تتكلم بهالموضوع عروس و مو عارفه هل تطلب منه فلوس و هي عندها معاشها او تكتفي بالطلبات اليوميه من عشا و جذي ؟
انا وجهة نظري :
دام ان الرجل موفر للزوجه حياة كريمه (بيت-اكل-طلعات-خدم) ما له داعي يعطيها بايدها فلوس ؟
الشي الثاني :
اذا كانت الزوجه تبي شي غالي مثل جنطه -ساعه غاااااااااااليه هل مجبور يشتريلها و لا لا ؟
اسمع رايكم
السلام
حياااااااااااااااااااكم
اليوم انطرح نقاش من البنات بالدوام و حبيت اسولف وياكم
الى اي مدى لازم الرجال يصرف على البيت و الزوجه و الاطفال ؟
هل لازم يعطيج مصروف بايدج حتى لو انتي تشتغلين؟
هل يكفي انه مسؤول عن الاتزامات (اجار -سفر-اطفال-جمعيه-خدم-عشاء) ؟و لا لازم يصرف عليج ؟
البنت اللي كانت تتكلم بهالموضوع عروس و مو عارفه هل تطلب منه فلوس و هي عندها معاشها او تكتفي بالطلبات اليوميه من عشا و جذي ؟
انا وجهة نظري :
دام ان الرجل موفر للزوجه حياة كريمه (بيت-اكل-طلعات-خدم) ما له داعي يعطيها بايدها فلوس ؟
الشي الثاني :
اذا كانت الزوجه تبي شي غالي مثل جنطه -ساعه غاااااااااااليه هل مجبور يشتريلها و لا لا ؟
اسمع رايكم
شوفي حبيبتي بالنسبه لي الريال لازم يحتوي المرأه من جميع النواحي ولازم يشبعهاااا من كل النواحي
يعني الريال لازم يصرف على بيته من الالف ليه الياء وهالشي مو من عندي هالشي بالشرع والدين
المرا مو ملزومه تصرف على بيتهاااااااا
الا اذا كان اللهم الريال عيال ديون والتزامات ومعاشه ما يكفي هني لا المفروض تساعده
بس مع الاسف شباب هالوقت يبي يتزوج بدون تكلفه يعني الاغلب يشرط موظفه واذا قلتيله ليش ؟
قالج عشان تشيل نفسهاااااااا !!!!!!!!!
وهذا غلط هالتصرف يقلل من شأن الرجل عند زوجته ما تشوفين الحريم الحين ما يشيلون هم الطلاق
يعني تقولج انا اصرف على روحي وعاليهال والبيت واهو رافع الجام شبي في اهو ماله وجود!!!
نيي بالنسبه للسفر والكماليات الريال مو ملزوم بهالشي بس حلو مثلا ان يسفرهااااا بس اذا ما يقدر مو ملزوم وهني المفروض
يتساعدون ويتعاونون مع بعض يعني يقسمون تكاليف الرحله بينهم
اما بالنسبه للماركاااااات واللبس وجذي اذا كانت موظفه مو ملزوم يشتري لهااااا وحتى اذا كانت ما تشتغل
هم مو اجباري بالله الريال ما يقدر وامكانياته محدوده تبيه يبوق مثلا عشان يوفرلها طلباتهااااا
ومثل ما قتلج في التزامات على الريال وجبور فيها اللي اهي
1- ايجار السكن
2- مصروف الجمعيه
3- الخدم
4- مصروف للزوجه واليهال حتى لو كانت موظفه لان بهالتصرف المرا بتحس بوجود واهميه ريلهاااا بالبيت
لأنه راح يحط كل شي بهالمبلغ ويوهقني !
فالحل اني لابغيت شي اروح معاه وهو يدفع ، او هو يجيب ،
وماعندي مشكلة اني اساهم معاه بس بكيفي مو بامر منه ،،
وهو يشوفني لما اشتري لعيالي شغلات غالية او للبيت وغيره ،
يعني يشوف اني مو من النوع اللي خاشة فلوسي على قلبي واقوله هات !!
بتقولون ليش وزوجك وحبيبك ،،
صح ،، بس اكثر الرجال وماراح اقول الكل ، اكثرهم ماينعطون وجه ،،
اذا طاحوا بالمرة مايحنونها ، لا يكسرون ظهرها ،
ويحطون كل شي فوق راسها وعاااااااااادي ،،
فليش افتح على نفسي باب ،،
واخد وعطا
يعطيكم العافيه
غيره انا .. عندي فلوس والحمد لله
ماله داعي اعرض وجهي واطلب طيب انا ليش اشتغل ..؟؟
علشان اصرف على عمري واشارك في كماليات ..
مو الاساسي
كثر الله خيره وبيض الله وجهه
بعد شتبي تحمد ربها
واذا بنفسها شي غالي ما تقدر عليه تجس نبضه رضا كان بها
ما رضا سوي جمعية شفايدة الوظيفة والتعب اذا ما تكشخين وتستانسين
وزوجته شرعا له الماكل والمسكن والملبس – كسوة الشتا والصيف –
الكماليات : لها حالتين
مجبور في كمالياتها لو كانت قايمة ببيتها وخادمته
مو مجبور فيها لو كانت حاطة رجل على رجل ومرتاحة سواء كان عندها راتبها الخاص او لا
و فعلا الحياة مشاركة و معروف انه اهوه ملزوم بالمصروفات الاساسية من جمعية و خدامة و عيال و مصروف للزوجة ام الشغلات الثانية اذا يقدر عليها ليش لا بس مو مجبور يسويها سواء سفرة او الماركات
حبيبتي
الزوج مسؤؤل عن الزوجه سواء موظفه او لا
ومسؤؤل عن الاعيال والخدم والبيت
واذا على الماركات اكيد مو مسؤؤل ان يشتري لها ماركه او الا
الا اذا هديه من عنده
وبس فديت قلبج
مرته اذا كانت موظفه يسالها اذا تبي شي ترى يرفع معنوياتها بس موشرط يعطيها بس كلمه حلوه منه
تخليها تستانس
الله يسلمكم في نص الريايل ماينعطون ويه يعني اذا شاف مرته تصرف على البيت والعيال خلاص شال ايده يعتمد عليها بكل شي
ولا يدفع شي
اما في نصهم والله يحرجونج بكل شي حتى يحاول يسعد مرته وعيال باي طريقه بس علشان يشوفهم مرتاحين
في ريايل اذا شاف مرته طيبه فيه يصير اطيب منها يعني يفاجاها بسفره يحجزيخت يسوي اي شي بس علشان طيبتها
وتبون الصراحه الحريم هالايام ماادري شفيهم صارير فيهم مرض مستحيل اعطيه احسن يتسلف خوش مو ريلج ساعده بس بالمعقول تدرون ليش خايفه ياخذ فلوسها ويتزوجه عليها <<<<ماالومها لووووووووووووول
وعسى ربي يخلي ريلي لي ولايحرمنا من بعض
والله يعطيج العافيه
واهم شي البدايه لازم الوحده تعود ريلهاا انه يدفع للماجله ومعاش الخدامه وايجار اذا في ,
ومصرف لليهال ولهاا اذا ما تشتغل ,
وحلوه الحياه مشاركه , .
لأنه راح يحط كل شي بهالمبلغ ويوهقني !
فالحل اني لابغيت شي اروح معاه وهو يدفع ، او هو يجيب ،
وماعندي مشكلة اني اساهم معاه بس بكيفي مو بامر منه ،،
وهو يشوفني لما اشتري لعيالي شغلات غالية او للبيت وغيره ،
يعني يشوف اني مو من النوع اللي خاشة فلوسي على قلبي واقوله هات !!
بتقولون ليش وزوجك وحبيبك ،،
صح ،، بس اكثر الرجال وماراح اقول الكل ، اكثرهم ماينعطون وجه ،،
اذا طاحوا بالمرة مايحنونها ، لا يكسرون ظهرها ،
ويحطون كل شي فوق راسها وعاااااااااادي ،،
فليش افتح على نفسي باب ،،
بصراحه ردج عجبني تدرين ليش ؟
لاني بصراحه في بدايه حياتنا اتنازل وايد ليما صار كل شي علي تخيلي دور المراء والرجل
مع بعض وغلطتي من اول ما تزوجت حتي مصروفي كان من ابوي والاستاذ تعود علي هالشي
احاول الحين اغير من اغلاطي بس عقب ايش بعد ما شاب ودوه الكتاب
فنصيحه للكل لا تتنازلين عن حق من حقوقج في ريايل تستاهل التضحيه وفيهم
اللي ودج تقولين امك يوم جابتك لو باركه عليك !!!!!!!!!!