السهالات من رب العالمين – يوم ولادتي بأمورتي بنيتي

السلام عليكم بنات

الله يسهل على كل حامل يا رب .. و يرزق كل محرومة قولو اميييييييين

قبل ما اولد لمن كنت ادش و اقرى قصص ولادات البنات كنت اخترع و اقول اني اذا ولدت ما راح اكتب قصتي عشان ما اخرع البنات .. بس الحين بالعكس تشجعت و كل بكتبها عشان تعرفون ان اول شي كل وحدة ولادتها تختلف عن الثانية و ثاني شي ان السهالات من رب العالميييييييييين و الف الحمدالله و الشكر يا رب

فنصيييييييييييحه يا بنات لا تسمعون من احد و لا تخرعون عمركم .. الفحص اللي انا مت من الخوف منه ما يعور و لا شي .. صج شوي تحسين مو مريح و شي غريب بس ما يعور الللي بعض البنات يقولون شوي و نبجي و اللي تقول روحي طلعت شددددعوه ..

اول شي نصيحه ثمينه انا نصحوني اياها بنات بالمنتدى ما قصروا و اهيا ان من تدشين التاسع كل يوم قبل ما تنامين صلي ركعتين و شكري ربج و ادعيه يخفف ولادتج (مجرررررررررربة و نفعت الحمدالله)
و ثاني شي سورة مريم كل يووووووووووم و جم حبة تمر او رطب
و ثالث شي المشييييييييي .. المشي عجيب يا بنات و الدكتورة قالتلي انتي ياية و راس البيبي مشالله نازل وايد و هذا وايد سهل ولادتج و كله من المشي الحمدالله .. لان احنا هني كله مشي لوول و الجامعه انا رايحه و راده مشي

المهم .. بدا معاي الطلق من يوم قبل ولادتي .. كنت توني بروح الجامعه و لا اشوف نقطة دم ,, و ركض اقعد ريلي و اقوله و نروح المستشفى و يسوونلي تخطيط .. قالولي الطلق مو وايد منتظم و اقدر ارجع البيت و طبعا رجعت لان اريحلي .. و طول اليوم الطلق يروح و يرد ..
اليوم الثاني الفير ما تحملت قمت و انا ابجي و قعدت اقرى ادعية و قران و ريلي مسكين قاعد ويهديني .. و رحت المسشفى من كثر العوار و سوولي تخطيط مرة ثانية و فحصوني و هم قالولي تو الناس لول و انا اصريت ان ارجع البيت مابي اقعد عندهم .. و امي و ريلي يقولونلي قعدي احسن بس انا ما كنت ابي ..
(بنات صج الطلق يعور و يبجي بس ترا مو لدرجه الموت مثل ما بعض البنات يقولون .. يعني عوار بس تتحملينه و يروح و يرد .. و تنسين كل العوار اول ما تشوفين البيبي يعني مو قاعده اخرعكم و الله بالعكسسسس )

المهم رديت البيت قلت انام شوي .. مرة وحدة مع العوار و لا احس نزل عليي الماي و اقوم اقول حق ريلي و نطير كلنا المستشفى قالوا لازم ندخلج ولادة

فحصوني قالو توني 3 سم بسسس و بينطرون علي قبل ما يعطوني الابرة ..

طبعا حطتلي الكمام و صج ريحني شوي بس ما خلتني عليه وايد تقول مو زين .. و كنت واعية معاهم بس خفف عني عوار الطلق ..
عقبها قالتلي ها تبين الابرة و انا اقولها ايييييييييي طبعا و لا يقزوني الابرة على ايد دكتورة استشارية بهالابرة (يعني الابرة صج ما تنغز الا من دكتور ضامنته 100%)

و هني نظام المستشفى ما يدخل معاج الا شخص واحد و انا امي قلبها قلب ياهل ما تتحمل فقلت حق ريلي يردها البيت تقعد تقرى و تدعيلي و اهوا قعد معاي حبيبي ما قصر ظل ماسك ايدي طول الوقت و يقرى علييي و يدعيلي
و عقب الله سبحانه و تعالى محد خفف عليي الا ريلي

قزوني الابرة و عقبها ارتحت و قمت اسولف مع ريلي
قالولي نامي شوي .. نمت ساعه و لا اقوم و تفحصني و قالتي اني مستعده للولادة و قعدت تسولف معاي و تقولي عن الحجاب و الدين لوول هذا و انا الحمدالله ما احس بعوار و لاااااااا شي الحمدالله و قاعده اسولف معاهم ..

و اهيا حاطتلي التخطيط و تقوللي يالله الحين سوي بوش و انا اسوي و البوش صج صعب لوول و ريلي مسكين تحملني و قاعد يساعدني طول الوقت ما قصر

و الحمدالله اخر شي ولدت بالسلامة .. الدكتورة و مساعدتها ثنتينهم ايننون و تحملوني وااااايد و نطروا علي واايد و كانوا هدوء مو طبيعي .. و ماسكيني و خايفين علييي .. هذا مع انهم اجانب و غريبين..

و ان شاء الله ناوية اخذ الابرة بكل ولادة و الف الحمدالله رب العالمين طبعا كله بعد رحمة الله سبحانه و تعالى

و يبت بنوتتي العسسسسسسل الله يخليها
و يا ربي يسهل عليكم ولادتكم كلكهم