بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم 
شلونكم بنات………….ودي أطرح هل الموضوع والكل يستفيد منه إنشاءالله
خلنا نتشارك بالأفكار وكل وحدة تطرح أماكن أو أنشطة سياحية نقدر نمارسها في ديرتنا الحبيبة الكويت
أدري الجو ما يساعد بس هم في أشياء وايد نقدر نسويها
مثلا أنا قريت إعلان بالجريدة ……… رحلة بحرية لمدة ساعتين على متن يخت فاخر مع وجبة عشاء
اللي جربت هالنوعية من الرحلات يا ريت تفيدنا
يالله بانتظار أفكاركم ومشاركاتكم
السلام عليكم
شلونكم بنات………….ودي أطرح هل الموضوع والكل يستفيد منه إنشاءالله
خلنا نتشارك بالأفكار وكل وحدة تطرح أماكن أو أنشطة سياحية نقدر نمارسها في ديرتنا الحبيبة الكويت
أدري الجو ما يساعد بس هم في أشياء وايد نقدر نسويها
مثلا أنا قريت إعلان بالجريدة ……… رحلة بحرية لمدة ساعتين على متن يخت فاخر مع وجبة عشاء
اللي جربت هالنوعية من الرحلات يا ريت تفيدنا
يالله بانتظار أفكاركم ومشاركاتكم
والله معاج حق بس الحمد لله أحسن من الفياضنات والزلازل والحروب
أقول قعدو بالكويت طالعو التلفزيون أحسن لكم.لوووووووووووول
أو مجمعات مكيفه وبارده بس………
رحله بحريه أختي وإذا ياج هوا وعجاج وأنتي بنص البحر…من صجج
ملينا
شنسوي .. شنسوي .. شنسوي
7
7
إخترعنا خوووش رحلة عشا ووناسة وطماشة
شوفي الله يسلمج صلي المغرب وروحي المطار تمشي فوق وشوفي إللي بيسافرون
بعدين نزلي تعشي تحت وشوفي إللي يوصلون
طيارة واصلة من القاهرة تخيلي العروس ياية ببدلت العرس ويببون عليها
طيارة ياية من الهند تشوفين الخدم صافين طابور جنه طابور مدرسة يكسرون الخاطر
وطيارة ياية من لندن وألمانيا شوفي المرضى شلون أهلهم يستقبلونهم بالورد ولازم تبجين معاهم
وشوفي إللي متخرجين من بره وشوفي الأجانب شلون اول ما يوصلون وينصدمون بالجو
صج وناسة وتغيير جو بعدين إكلي لج برد من باسكن روبنز وردي البيت
7
7
بعدين اليوم الثاني تيمعي إنتي مع أهلج وركبو بسيارة وحدة وروحو لسلسيل الجهراء
وناسة جنج بالسعودية .. طماشة تعشي وتسوقي وردي بيتكم بالسلامة
أحلى شي اليمعة بالسيارة لأن المكان بعيد
7
7
بعدين حجزي لج ليلة بشاليه أو غرفة في القرية التراثية بفيلكا
ركبي بالعبارة السريعة من المارينا ونامي هناك وتمشي وردي من باجر
7
7
بعدين قعدي لج يوم من الصبح من الساعة خمس وعلى ما تبدلين تصير الساعة ست وروحي تريقي بالمباركية والله حده تغير وطماشة ووناسة جو شعبي حلو وقبل لا تطلع الشمس الحارة على التسع ردي كملي نومتج
7
7
إخذي معاج بنك وبفك وكاكاو وحلويات وركبي القارب إللي عند مطعم مركز سلطان على البحر يفرج 20 دقيقة ويردج ونااااسة بس يبيله يمعة
7
7
هذي بعض الأفكار
ويله ناطرين افكاركم
باقي على عطلتنا شهر ونص وتخلص