الطايش قبل الزواج ممكن يتعدل ويتسنع ولا العوي يظل طول عمره عوي ؟؟

هلا والله عمرى بصراحه الاجابه صعبه لان اول شى الهدايه من الله ثانيا فى ناس تتزوج وتعقل وتصير اتحب حياة الاسرة ومسؤلياتها ويمكن يكون ملتزم اتجاة بيته وزوجته ويراعى الله فيهم اكثر من لو كان شخص ماله سوابق ؟؟؟؟؟ مانقدر ياعمرى نقول ايه يتغير او لا مايتغير عن جد صعبه

والله انا من رايي
ان ماضي الانسان ما يأثر على مستقبله
هذا شي وهذاك شي ثاني
وصدقيني الواحد ما ينوي يتزوج الا ويكون امفكر الف مره بالمسئوليات الي تي من الزواج
من بيت وعيال ومصرف
واكيد بيكون شبعان من الخرابيط قبل الزواج ومل
علشان جذي قرر يتزوج

والله على الشخص نفسه في إلي الله يهديه ويعقل عقب الزواج وفي الي يتم على خرابيطه

جني عرفته هالرجااااااااااااااااال

رايي من رايها

صاجه حبيبتي الهدايه من الله وياما ناس قبل الزواج سنعين وبعد الزواج شي ثاني بس هم مانقدر نجمع
الوحده فينا لازم تخوض التجربه بعدين تحكم بس شالفايده عقب مانخسر شبابنا وجمالنا وصحتنا واحنا نحاتي ونشك ونموت من الهم والقهر

مشكوره على ردج حياتي

معاج حق حبيبتي وانا رايي من رايج دايم اقنع نفسي وصديقاتي بهالنقطه بس ياخوفج سنه ولا سنتين ويرجع يحن حق اللعب ويمل من المسؤوليات و يدور وناسته بره البيت مع وحده لاهو مسؤول عنها ولا شي ويرجع يكلم بنات بالنت ولا بالدوام من باب الصداقه اللي هابين فيها ويقولج زميله لا اكثر ولا اقل وشوي شوي يتعلق فيها

والله هالريايييل مالهم امان

مشكوره غلاتي على ردج الحلو ويعطيج العافيه