الطب المهني

اشلون خريج الطب المهني يصير دكتور بالجامعة!!! بشهادة البكالريوس!!!!!

حبيبتي صاحبة السؤال،انا توني متخرجه من الثانويه ومعدلي كان يأهلني اني انقبل بكذا كليه قبول فوري ومنهم كلية الطب المساعد وكنت حابه تخصص الطب المهني….وحتى ما اخطأ بالاختيار رحت كلية الطب المساعد ورحت بعد مستشفى مبارك سألت خريجات مختبرا ت وخريجات الطب الطبيعي.

طبعا كانت النتيجه اني شلت الطب المساعد من بالي تماما……..

بالنسبه للطب المهني طبيعة الشغل هو انج تتعاملين مع الاشخاص اللي يتعرضون لحالات الشلل الجزئي اللناتج عن الحوادث او اللي تسببه الجلطات سواء جلطات المخ او القلب ، او الاشخاص اللي يتعرضون للكسور وما الى ذلك. انتي تساعدينهم انهم يتعلمون يعتمدون على نفسهم للقيام ببعض الاحتياجات الشخصيه مثل محاول المشي بأستخدم العكاز او الكرسي المتحرك او نقل الاشياء البسيطه من مكانها او حتى لبس بعض الملابس….وفيه شغلات ثانيه كثيره تقدرين عن طريق جوجل تعرفينها.

بالنسبه للطب المسااعد ماياخذون للطب المهني الا اصحاب المعدلات العاليه يعني تحديد التخصص اللي يصير بعد السنه الثانيه بالذات بالنسبه للطب المهني بياخذون اعلى المعدلات من الطلبه والسنه اللي فاتت خذوا بس 20 طالب….وتقدرين تمرين التوجيه والارشاد مالهم وتسألين واحد اسمها فاتن بتقولج هالمعلومات.

على فكره خريجي الطب المساعد حيييييييييييييل مظلومين من ناحية الرواتب ،دراستهم صعبه وشغلهم بعدين متعب ورواتبعم اقل من رواتب خريجي كذا كلية دراستها سهله.

ولا واحد ه من خريجات الطب المساعد اللي شفتهم بمستشفى مبارك وسألتها انتي مرتاحه بشغلج ؟؟؟؟ قالت لي اي انا مرتاحه!!!!! وعلى فكره خريجات المختبرات صارت عندهم الخفاره اجباريه والخفاره ممكن تكون بالليل