الطريق الى الهاويه اذا استمريتي

جاوبي على الاسئله التاليه ومن ثم اجمعي الدرجات وراح تشوفين اين يؤدي بك المطاف

( على شرط جاوبي وانت تنزلين)

س:-اذا عندج حصه اولى وانت متأخره والناظره مشتطه ذاك اليوم…هل
-تنزلين ابسرعه ابسرعه وتقطين اغراضج عند قسم غير قسمج قريب من الطابور3
-عالراحه تنزلين عقب ماتحطين العطر بس ما اتبخرين2
-ماتنزلين كلش واذا انتهى الطابور اتروحين حصتج واللي فيها خير اتكلمج 1

س:-اذا دقت المديره (****)وقالت ابله فلانه تعالي ابيج…هل
-تجين بسرعه وانتي تقولين انا منو متصبحه بوجهه اليوم3
-اتروحين لها عقب ماتدق مره ثانيه (****)2
-ماتروحين الا قبل لا يطلع كشف الانصراف بعشر دقايق1

س:-اذا حطوا للناظره دينارواحد بمناسبه خروجها من المستشفى ( مايمرضون )هل:
-تحطين معاهم بكل سرور3
-تحطين وعينج بالدينار2
-تقولين احط لها وجعة جدي1

س:-اذا اولدت او تزوجت رئيسة القسم هل:
-تفرحين لها بشده3
– اتجاملينها باتصال2
-ماتهمج واتقهوين القسم على فرقاها 1

س:-اذا صارت حفله بالمدرسه هل:
-اتشاركين 3
-اتفرجين بس2
-تغيبين 1

س:-اذا قعدت على الريوق وطق الجرس وصرخت الفاضيه اللي اتسوي روحها مشغوله يلا اشراف هل:
-تهدين صمونتج3
-تاكلين لقمتين منها2
-والله تاكلين وتشربين الشاي وخليها هي تشرف1

اذا زفت الناظره رئيسه القسم جدامج لانها مانزلت لها الفئات هل:
-اتضايقيين بشده3
-تفرحين واتضايقين بنفس الوقت2
-تضحكين بوجها عشان يبرد1

الدرجات :
اذا حصلت على 13 درجه وفوق راح تصابين بالفري اى الصداع النصفي المزمن وراح تفتحين ملف بالطب النفسي
واحتمال يصير لج انعاش دائم للقلب ممايؤدي الوفاة مبكره( بعد الشر )

اذا حصلت على 8-الى12 الاضرار كالتالي
هبوط فى الضغط وزغلله في العين مع روماتيزم حاد وبين فتره والثانيه راح اترددين على استشاريه نفسيه
وبعض الاحيان اتكلمين نفسج

اذا حصلت اقل من 7 درجات راح تحتفظين بشبابج وجمالج وانوثتج وراح انشاء الله تكونين من المعمرين

(( لاتنسوني من دعاءكم الصالح راح اغيب عنكم كم يوم ))

الرجاء الالتزام باحترام جميع العاملين بالتربية…
وعدم اتباع اسلوب التشهير او الاهانة
nero