الطيران السريلانكي . رايكم ؟

رفع الله قدركم

انا رحت فيها بس رحله طويله وكانت دبي ترانزيت

ايجابياتها :

الطياره واسعه ونظيفه

تابعه للطيران الاماراتي

توصلين لدبي بساعه بس عكس الجزيره والشركات الثانيه ساعه ونص

سلبياتها :

اتوقع ماتهمج الي اهو كثر محطات الوقف (الترانزيت ) لان الرحله كانت طويله

ووقت الهبوط يمامي يخرع لان الطياره كبيره

أنا ما سافر دبي الا فيها
توقيتها حلو بالروحة والردة
والمضيفات حليوين وخدومين

طيران حلو انا مجربته

واكل نظيف وحلو سوالف برياني ما برياني

واهيا تبع الاماراتيه

والافلام نصها هنديه ونصها اجنبيه

وصح عيبها ترانيزتات

بس بشكل عان نايس

اذا حق دبي عاادي كلها ساعة وشي

بس اذا مسافة طويلة لا طبعا ماانصحج فيها

انا رحت عليها حق ماليزيا وتايلند .. تنتفنا من القعدة انا وزوجي
وأحن عالمظيفة اقولها ابي ماي والله ان قبل لانوصل بشوي يللا ياتني مالت عليهم وعلى الساري اللي لابسينه وريحة الركاب اللي فايحة
لا ويشربون بعد وسمعي الاصوااات

واااي ذكرتيني .. رحلة مأساااااااة كانت

حلو