بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم حبايبي
بغيت اسال عن العيش الاسمر , بنتي كملت 6 شهور والدكتوره قالتلي ابدي وكليها بس خلي بدال العيش الابيض عيش اسمر لان الابيض مامنه فايده كلش, وقالتلي لا تعطينها فواكه ودياي ولحم الحين, قالتلي اول ابتدي بالعيش فتره وبعدين دخلي لها خضره كل 3 ايام نوع خضره. و وبعد قالتلي ديري بالج اتوكلينها شي فيه شكر ولا ملح لان اثبتت دراسه ان هالاثنين يتعبون الكبد عند اليهال .
طبعا انا للحين ما بديت لان بنتي فيها اكزيما وخايفه اوكلها وتزيد عليها الحساسيه …
عموما الي تعرف اشلون ينطبخ العيش الاسمر تقولي لان يقولون طريقته غير بالطباخ وانه يطول على ما ينطبخ …
مشكورين وما قصرتوا …
السلام عليكم حبايبي
بغيت اسال عن العيش الاسمر , بنتي كملت 6 شهور والدكتوره قالتلي ابدي وكليها بس خلي بدال العيش الابيض عيش اسمر لان الابيض مامنه فايده كلش, وقالتلي لا تعطينها فواكه ودياي ولحم الحين, قالتلي اول ابتدي بالعيش فتره وبعدين دخلي لها خضره كل 3 ايام نوع خضره. و وبعد قالتلي ديري بالج اتوكلينها شي فيه شكر ولا ملح لان اثبتت دراسه ان هالاثنين يتعبون الكبد عند اليهال .
طبعا انا للحين ما بديت لان بنتي فيها اكزيما وخايفه اوكلها وتزيد عليها الحساسيه …
عموما الي تعرف اشلون ينطبخ العيش الاسمر تقولي لان يقولون طريقته غير بالطباخ وانه يطول على ما ينطبخ …
مشكورين وما قصرتوا …
بس انتي اشتري عيش الاسسمر و قبل لا تاخذينه اقري التعلميات
اكيد فيها طريقة الطبخ
عموما انا شريت العيش وطبخته كل كوب معاه 3 اكواب ماي , بس طبعا تخلينه طول الليل بالماي, عقب ما ينطبخ تقسمينه اقسام وتخزينه على شكل وجبات, كل ما ابي اعطيها اطبخ الوجبه عالبخار في خلاط افنز الي يطبخ ويخلط , وعقبها اخلطه فيها ويصير ناعم وانطره لين يبرد شوه واعطيه اياها..
في طريقه قالتلي اياها رفيجتي, تقولي ادا تبين اتسخنين الوجبه لا تحطينها بالماكروويف, خليها برا شويه وبعدين سخنيها بالماكينه الي تسخن الحليب مالت المميات …
شدعوه ماتعطينها فواكه !!!
بالعكس الفواكه مهمة والدياي واللحم تدخلينهم عالشهر السابع لانه الياهل محتاج بروتين
ومن ٩ شهور الياهل ياكل مثلنا عااادي ماعدا البهارات الحارة والحليب والروب بعد السنة
بس انتبهي اذا فيها حساسية مثل ما قالت لج تعطينها نوع واحد لمدة ٣ ايام اذا ما تحسست منه واصلي عليه
انا عموما بمشي على كلام الطبيب وبشوف , لان اهي جسمها محسس فما ابيه يحسس زياده ..
بس اذا اهيا تتحسس لازم تنتبهين لها
يعني مثلاً اذا كنتي تحطين حق كل كوب عيش ابيض كوب ماي تحطين كوبين ماي حق كل كوب عيش اسمر
ان شاءالله تكونين فهمتي قصدي بصراحه العيش الاسمر وايد احلى من الابيض