الغيره من اخت الزوج << نقاش صريح

والله كلامج عين العقل

اقتباس:

المشاركة الأصلية كتبت بواسطة زوجة الفنان مشكوره على طرحج للموضوع بس من تجربتي الشخصيه صراحه خوات الزوج ذابحتهم مرت الاخو اسمحيلي ماادري عن اي موضوع انتي تتكلمين بس الغيره والمشاكل اساسها خوات الزوج

العفو حبوبه
ادري بس فيه بنات حاطين هالمقوله اساس حياتهم
فخلاص يحسون كل الاخوات مشكله وتصير تبي تقطع علاقه ومحبه زوجها بخواته
يعني تنسى ان اهي اخت واخوانها لهم حريم يمكن يسون فيها نفس ماتسوي

خلينا نتكلم بصراحه شوي المثل شيقول أسأل مجرب ولا تسأل طبيب
يعني انا زوجي عنده 4خوات 2اكبر مني و2اصغر بوايد علاقتي فيهم تمام التمام ومستانسه انهم
يحبون زوجي وكل ماسافر بروحه يجيبلهم ويجيب لي وبالعيد يعايدهم
بس عنده وحده من الكبار مانتواطن انا وياها احسها دهن عداني على قلبي غثيثه مع انها متزوجه
بس لئيمه سليطه لسان واختها اللي اصغر منها اكبر مني بعد عسل عسل شوي عليها

والله لو في منها ثنتين تصلح الديره تنحط عالجرح يبرى سبحان خالقهم فارقهم

وهذه من واقع تجربه وبيت واحد ,,,, والغيره ترا بين الحريم موجوده مو بس بين الزوجه واخت ريلها ..

اقتباس:

المشاركة الأصلية كتبت بواسطة ام عبودي1 خلينا نتكلم بصراحه شوي المثل شيقول أسأل مجرب ولا تسأل طبيب يعني انا زوجي عنده 4خوات 2اكبر مني و2اصغر بوايد علاقتي فيهم تمام التمام ومستانسه انهم يحبون زوجي وكل ماسافر بروحه يجيبلهم ويجيب لي وبالعيد يعايدهم بس عنده وحده من الكبار مانتواطن انا وياها احسها دهن عداني على قلبي غثيثه مع انها متزوجه بس لئيمه سليطه لسان واختها اللي اصغر منها اكبر مني بعد عسل عسل شوي عليها والله لو في منها ثنتين تصلح الديره تنحط عالجرح يبرى سبحان خالقهم فارقهم وهذه من واقع تجربه وبيت واحد ,,,, والغيره ترا بين الحريم موجوده مو بس بين الزوجه واخت ريلها ..

ادري فيه سليطات وفيه غثيثات
بس فيه بنات حتى الي مامنهم شر تقول لا ليه تلبس عند زوجي
ليه تتمكيج عند زوجي تبي تحرني تغايرني
وهذي النوعيه الي اقصد
يعني اهي اخته قبلج شكو تغارين ليه تلبس ليه تحط اخوها محرمها
او ليه يهديها ليه يعطيها اخته بنت امه وابوه

لازم انا بعد اسوي هالشي
وهذا اخوها يعني سندها ومالها غيره

ثانكس حبوبه عالطرح وانا معاج ان في وايد مرضى يغارون من حمواتهم