الف الحمدالله عالج الحيوانات المنويه عند زوجي

قوه بنات
شلونكم شخباركم
من زمان مانزلت موضوع وانا قايله اي شي بستفيد منه على طول تيون فبالي اقول لاااازم اقولهم
ليش اني وايد استفدن منكم فديت قلبكم

المهم

انا الحمدالله عندي بنتين الله يحفظهم
وبعدين فكرت احمل وطولت بالحماله
سوينا تحاليل زوجي الله يحفظه طلع عنده المتشوهين بالحيوانات المنويه 85 بالميه والنسبه تخوووف وتقلل نسبة الحمل

تقريبا سنتين ظلينا نحاول عالحمل وما الله كتب والحمدالله على كل حال

وطلع عنده السليمين 20 بالميه السريعه منها 12 بالميه المفروض 30 بالميه السريعه نسبه قليييله وضعفيه والدكتوره قالت لي حتى لو صار حمل راح يكون ضعيف وتجهضين
وهذا اللي صار لي قبل 7 شهور حملت واجهضت والحمدالله

انا اراجع عند دكتورتي خالده المجيبل الله يعطيها طولة العمر والصحه والعاااااافيه هالدكتوره ماقادر افوي لها حقها
انسانه فاهمه وماتلف ولا تدور وتعطيج بالصريح
ومومااااديه كللللش
بولادتي الثانيه صارت لي مشاكل فبنتي حبيبتي
رحت كل المستشفيات وقالولي قيصريه الا اهيا قالت لي راح اولدج طبيعي وطولت بالها معاي وماهدتني والحمدالله من بعد الله ولدت على ايدها طبيعي وليومكم ادعي لها

وريلي شافت تحاليله وقالت لي ماراح نحاول بالحمل الا لمن نعالج
مانبي نقط فلوس على الفاضي
وجزاها الله الف خير
عطتني علبتين اهوا مثل اجياس بودر مرتين باليوم ينخلط مع ماي او عصير

اسمه (بروكسيد بلس المطور )
كنت كل يوم انا اللي اعطيه بايدي طعمه يلووووع الجبد
بس تحمل عشان العلاج
والصراحه غالي شوي الكرتونه الوحده تكفي شهر ب42 دينار
بس يستاااااهل

خذا علبه واستمر شهر
وراح زوجي حلل والحمدالله الحمدالله المتشوهين كانو 85 صارو 75 والحيوانات السريعه شوي تحسنو والسريعه كانو 12 بالميه صارو 20 بالميه

بس قالت بعد خل يمشي على الكرتون الثاني وعطتني كرتون ثالث منها ماحاسبتني عليه
يافديتها والله تحاتي المريضه اكثر منه احنا

والحمدالله واستمر على الكرتونين
وحللنا وطلع عنده المتشوهين 67 بالميه الحمدالله
والسريعه صارو بالمرحله الطبيعيه 38 بالميه

الف الف الف الحمدالله
مع الاستغفار وصلاة الليل والدعاء والصدقه ربي ماينسى عبيده

من اليوم روحو اقرب صيدليه واخذو اسم هالعلاج بروكسيد بلس
واذا ماحصلتوه اهوا موجود اساسا بصيدلية مستشفى وريال حياه
وكان ياخذ حبه فيها كللل الفيتامينات
بس البووودر البروكسيد اهوا المهم ليش انهم اثنينهم نفس المفعول

وعلى فكره اهوا عموما حق كل مشاكل الحيوانات المنويه ضعف او تشوهات او العدد قليل يكثره

وايد وايد قوي هالعلاج
اهوا كان بامريكا ومن فتره يابوه عندنا وشكثر بنات حملوا من هالعلاج حق ازوااجهم

وادعولي احمل

الدعوه اللي بظهر الغيب مستجابه يابنات

والله يشافينا ويرزقنا بالذريه الصالحه بصحه وعافيه ياااااارب