القروض وقلة المادة هل لها تأثير على حياتج الزوجية؟؟؟

موضعج وايد حلو لان يوصف حياتي بالضبط ريلي تصرف بانانيه من ناحيه الماده وغلط غلطه زوجنا اهوا الي دفع الثمن والله يعلم شنو الايام الي مرينا فيها ولا جنه كويتين وطبعا فشله تطلبين من اهلج فلوس وانتي توووج متزوجه ولا ماخذته عن حب بعد يعني هذا الي تبينه وانا اقووولج صج اُثر على زواجنا حيل حيل والحين الحمدالله الامور قاعده تتعدل بس لي الحين الجرح عميق خصوصا لما يصير في تحذف حجي والريال اذا ماصار عنده فلوس وقامت المرأه تصرف يحس بالنقص وعاد تعالي فججي خصوصا اذا اهوا نوعيته سي السيد على قولتهم

انا ماكتبت هالموضوع الا لاني عانيته وبالاحرى لازلت اعاني منه كوني غير موظفة وزوجي راتبه بسيط وعليع قرض وساكنين اجار

وغلاء المعيشة اللي كااااااااسر الظهر يعني صعبة انج تعيشين اقل من غيرج ودج حالج حال غيرج تلبسين تكشخين تروحين وتردين لان غيرج مو احسن منج لكن اكيد اهي ظروف ومافي شي ادوم على حاله كلشي اتغير

واهم شي التفاهم والمحبة بين الزوجين اهي اللي تعطي للحياة الزوجية طعم يعني كل واحد اكون عون للثاني ابهالدنيا عشان مركب الزواج يستمر

black_arno0oBa
ياحياتي ميخالف هذا زوجج وابو عيالج الله سبحانه اسامح احنا خلينا انسامح بعد وعلى قولتج اهو دفه ثمنها والحين احسن من اول

هذا شي الزين والايام كفيلة في انها تغير كثير من الامور

والله اسهل عليج ووسع عليكم انتي وزوجج

حبيبتي انتي الحمدلله بس عانيت وايد خصوصا انه انا صغيره وكنت باول زوجي وما تدلعت ولا بطيخ بس اهوا الحين حده متحسف والله يهدي ما استوعب الي صار الي يوم صار عندنا بيبي وزادت المصاريف وانا بعد ترى نفسج ما اشتغل ادرس

موضوع حلوو … انا احس ان المفرووض اول ما يتزوج اي ثنائي يتفقون افبداية حياتهم ايسوون استقطااع بمبلغ وكل واحد وامكانياته وراتبه ويسوون حساب مشترك ويحطون فيه وينسوووون هلحسااب حق الايام السوده الله لا ييبها او حق اي ظرف طارئ او حق بيت او حق اي شي ضرووري ويكون لهم سند بالدنيا … بس النااس يستهينون بهلنقطه بالبدايه وياكلونها لي مر فيهم الزمن

وانتي ايمان الله يعينج ويصبرج خصوصا انج ماتشتغلين …الحين الناس راتبين ويالله يمشوون بهلاسعار … حبيبتي مستحيل تقدرين تشتغلين؟
انا احسج صغيره و توج متزوجه ماصرلج فا توج افبداية حياتج ليش ماتشتغلين ؟

ReMaaas^MLS

الله اعين الجميع حبيبتي

والحمدلله على كل حال على الرغم من ظروف زوجي مافي شي ااثر على حبنا البعض وكلما دايما اقولها ما بعد الضيج الا الفرج باذن الله

وهاكونا ماتاتااااااااااا

وادي الدنيا افاااااااااكك

اهليييييييين جوجو هلا وغلا نور الموضع قولي آمين

ياااارب ياااااااارب ياااارب عسى ربي يرزقج الزوج الصالح اللي يسعدج طوووول عمرج يارب وكونلج سند اهالدينا

وبخصوص الوظيفة انا ظروفي غيييييييييييييييييييييييير انا كنت موظفة وطلعت لظرووووووووف بس انشالله ربج ابيفرجها من عنده

وشاكرة لج مرورج حبيبة قلبي وردج اسعدني