الكـلّ منـا يعتبـر هـذا سـؤالـه !!

أول مشاركه لى فى المنتدى
قصديده لكم وأن شاء الله تعجبكم

ترى ماهى مرتبه القصيده بس ماعليكم لاتدققون كثير (uu13
.
.

سؤال يطرح نفسه ويآقـف لحالـه
وإليا وقف قبل أطرحه لا تطرحينـه

الكـلّ منـا يعتبـر هـذا سـؤالـه
ضايع جوابه بيني وبينـك وبينـه

خليني أبدي به وأغنيّ مـن خلالـه
وأقلّ حاجه مـن لسانـي تسمعينـه

يمكن يشيل الظلـم ويحـط العدالـه
ويذكّرك باللـي مـا ودّك تذكرينـه

ما كنت أنا اللي تعشقينـه للثمالـه
وين الثماله عن حبيب ٍ تعشقينـه ؟

ياوسع صدري مير يا سرع إنفعالـه
ولولا ضلوعي تردعه راحت طحينـه

الحبّ خـلاّ حالـة العشـاق حالـه
كل ٍ يغمض عينـه ويلحـق ظنينـه

أبحر بهم لكـنّ مـا سـوّا جمالـه
من جاه يشكي له رماه من السفينه !

والله لو انه يحتميهـم فـي ظلالـه
قالـوا مجمّـل يرحـم الله والدينـه

لكـنّ عذبّهـم بعـد جالـوا مجالـه
لولاه ما كل ٍ كشـف خافـي كنينـه

وأنا من اللي بينهم يـا مـا جرالـه
جوارحي في دبرتـه مثـل الرهينـه

قلبي يشيل من الغلا فـوق إحتمالـه
يوّن وأحبابه ما تدري عـن ونينـه

يا سيّدة سادات روحي .. وش بقاله
مدري متى عن حرّ مابه ترحمينه ؟

بمعاملتك أشوف شيّ مـن الجهالـه
أقولهـا ومرايـة الرجّـال عيـنـه

من يوم غبتي لا إتصال ولا رسالـه
والشوق يلعبّ بي على راحة يمينـه

.
.

وسلااامتكم ..
عسي ان تنال على أستحسانكم ..!!

سلااامى ,