الللى تبى تدرس بالفلبين واهى بالكويت0

حبيبتي بغيت استفسر من جم شغله

الجامعات معترف فيها ؟؟؟ وفيها كلية طب ؟ وجم بالكروس ؟؟ والمعدل جم يكون ؟؟
اسفه اسألتي وايد
الله يوفقكم انشالله

حبيبتي بغيت الرقم ماعليج امر…

وهل هي معترف فيها كجامعه؟؟

ومشكوره

اعلاناتهم بالشوارع مادري المستوي شكله خرطي

معترف فيها ؟

أخوي كان يبي يروح بس امي ما رضت

خافت عليه

احسن شي الواحد يدرس ابديرته كلش كلش يدرس بدوله عربية شيودينا الفلين

ماعرف اتحجه فلبيني <<< لوووووووووول

بنات من صجكم والله .؟؟؟ انتو حسبالكم الفلبين مسكته من العلم ومعترفة ؟؟ الإعلانات بالشوارع وبالوسيط " أنا أول مره بحياتي أشوف اعلان لدراسة الماجستير والدكتوراه وحتى البكالوريوس بالشواارع وين قاعدين ؟؟؟ ليه هالدرجه أشكره صارت الشهادة والعلم بالفلوس مو بالمجهود !!!
سامحيني ياصاحبة الموضوع مو قصدي ترا أجرح بموضوعج بس انا أنتقد انتقاد بناء لج ولبنات ديرتي روحو جامعة باجر الديوان أو التعليم العالي أو أي هيئة ومؤسسة وجهة عمل تثق بمخرجاتها ترا أحذركم الشهادة اللي راح تاخذونها من الفلبين ترا ألف واحد غيركم راح ياخذها وانتو علبالكم هالسالفه بتطوف على التعليم العالي لا والله راح يصير فيها مثل ماصار ببعض جامعات البحرين وجامعات مصر لما شافو كل من هب ودب سافر البحرين ومصر وصار جامعي و دكتور فما بال الفلبين ؟؟؟؟ اللي تييلج الشهادة وانتي قاعدة ببيتج

لا أبشركم اذا تبون بعد الهند ترا الشهادات زاهبة (بكالوريوس/ماجستير/دكتوراه) بس زهبو 3000 دينار واهي تييلكم بس روحو الهند أو الفلبين مرة وحده بالسنة وشهادتكم توصل .

هذا انتي قلتيها الدراسة أي كلام وياليت فيها دراسة أصلا ، وعلى فكرة تدرين ليش جامعة الشرق الأوسط معترفه لانه التعليم العالي ماعنده أي ملاحظات بخصوص هالجامعه على system ،
اللي مثل هالجامعات اللي ذكرتوهم يبون يترزقون الله بفلوس الطلبة علمو أعطيه الشهادة ويدفعلي مبلغ وقدره $$$
بس تعالي باجر التعليم العالي اشبقولج لما تييبن الشهادة ، يقولج الموظف أو الموظفة حطي شهادتج تحت المخذه
ترا انا مو قاعدة أتكلم عمياني انا عندي حالات من الأهل بكل صراحة شارين الشهادة من مصر تخصص محاسبة وكان كل شي اوكي واخر شي قالهم التعليم العالي اخذ شهادتج وارجع البيت الله يستر عليك ، وعندنه حالة بعد ادرسو بأحد جامعات مصر وفعلا هالطالب جداا شاطر ويدرس وعاصر الكتاب بمخه بس تعالي أفواج الطلبة والدكاترة والبقاشيش خربت عليه ولما وده الشهاده التعليم العالي /قالوله ترا شهادتك الحين مو معترف فيها اذا تبي تشتغل قالهم : اشلون تقولون هالكلام وانا بنفسي مارحت لهالجامعة الا باعتراف رسمي منكم قالوله : هالجامعه لغينة الإعتراف فيها ماقريت بالجرايد ( منها بمصر والبحرين والأردن وغيرها في بعض الدول )
ولا شركة ولامؤسسة ولاهيئة قبلته ، ليش ؟؟ لانهم يسألونه هالشهاده بابا من وين يايبها : يقول لهم من الجامعة الفلانيه يقولوله : ميخالف انت روح واحنه اندق عليك ( وطبعا هذي سوالف التصريف )
عليكم بالعافية الكل وده شهادة منو اللي ماوده ،
بس حرااااااااااام البنات يطقونها بالألوف على جامعه باجر راح تنمحي من لستة التعليم العالي
التعليم العالي ماتطوفه هالسوالف يا جماعة ،وانا لاداخل شي بجيبي ولابيضرني شي والله على ماأقول شهيد ولكن ماأبي هالبنات ينخدعون بهالجامعات اللي نهايتها قريبة ومحسومة . وهذا اخر كلام عندي