اللى عندها خبرة بالميزانية تلحقنى تكفون

ولو إني مادري عن إلتزاماتج

أولا … لاتسحبين معاشج خليه بالبنك

وكل مابغيتي شي روحي وسحبي على قدج

علشان الفلوس كل ماكانت قريبه منج راح تصرفين

(( مثلي أنا ))

ثانيا …. إذا عندج فيزا كسريها تراها مصيبه

(( اسئليني أنا ))

ثالثا … اشتري بطاقة تعبئة البنزين أو …
احسبي بالتقريب جم مره تعبين بنزين … وخلي فلوسه على صوب

رابعا … إذا تيلفونج بوكرت إشتري كروت وحطيهم ببوكج

وحاولي ماتتعدينهم

وإذا تيلفونج خط فالله يعينج … حوليه كرت وفكي نفسج

ونصيحه مني لج

خلي عندج دفتر صغير

وكتبي فيه تفاصيل حسابج

يعني

كتبي الراتب

وبعدين حطي مصروفاتج باليوم والتاريخ وجم صرفتي

مثلا

تكتبين

5 دنانير وجبه من مطعم يوم كذا تاريخ كذا الساعه الفلانيه

وإذا استمريتي بهالطريقه

راح يكون راتبج مراقب منج

وراح تسيطرين أكثر عالوضع

هذا رأيي على عجاله

ايه نسيت أقول لج

سوي طريقتي

أنا مسويه استقطاع بحساب ثاني

بقيمة ثلاثين دينار

وكل ماخلص معاشي

وحسيت إني مفلسه

تذكرت إن عندي رصيد ثاني منقذ