اللي تبي الاجر تساعدني

حذاء ماركه أو نضاره شمسيه قتره ماركه من الصالحيه

جهاز ايبود تاتش اليديد
فواحة من بوتس حق دوامة
طاولة لاب توب للبيت
لو يلبس سبور اخذيلة قميص وبنطلون من نكست او بى اتش اس
وانتى شوفى شنو يحبة ومو موجود عنده

ماادري بس اتوقع لو تسوين له برنامج راح يفرحه و يستانس اكثر
اما تحجزين فندق و تفاجئيينه و تكلمينهم علشان يضبطونج بالورد و كيك و هالسوالف
و اما تسوين يوم حافل ..يعني مثلا ليله عيد ميلاده عطيه هديه عاديه جدا و تسوين روحج مو مهتمه و الصبح تدزين له ورد بالدوام و اذا رد البيت كشخي و سويله جوو رومنسي وغدا حلوو من طباخج و بليل قوليله يوديج مطعم تكونين انتي متفقه معاهم و بس تاكلون و تخلصون اييبون لج كيكه و الهديه و انتي بعدين قولوله بروح الحمام و دفعي الحساب …و قبل لا ينام عطيه هديه ثانيه بس تكون سنعه و تكون شي بخاطره
واتمنى اني ساعدتج

( اختي قرأت لج هالموقف وان شالله يعجبج
بما انج مليتي من الهدايا التقليدية

ضعي داخل قارورة فارغة من الزجاج بطاقة صغيرة مطوية ومغلقة
ومجموعة من الورد المجفف ثم أحكمي إغلاقها وأهديها لزوجك

وعلقي في عنق الزجاجة كرت مكتوب عليه:……..
(في هذه الزجاجة بعض أنفاسي.. نفختها فيها وأغلقتها جيدا…
أرجو أن لا تفتحها.. كي تبقى انفاسي معبرة عن حبي لك )

وشوفي شنو شعوره حزتها

واي تصك فيني الدنيا لي صارت مناسبه له !

انا اقولج دام داش علينا الصيف
اخذيله قطعه دشداشه ماركه مع غتره ماركه

سحبيه بالسوالف وعرفي منه شنو وده يشتري وروحي انتي اشتريه له