اللي تخرجو بنسبه ترفع الرأس تعالوو فيدوني يمكن نصايحكم اتفيدني و اصير منكم و فيكم الس

حظري اول بألول
كل ما تردين البيت راجعي اللي خذيتيه
لا تتمللين من الماده
حاولي تحبين الماده حتى لو صعبه =)

الله لا يحرمني منكم

بنت عطا أنا من زمان كل مره إسجل و مو مكتوب لي أنجح
تدرين الزوج يلهي

الحين أنا مطلقه و مأعندي شيء

فقلت ليش ما أخذها ما بقالي إلا آخر سنه
و يارب أن شاء الله أنجح
و الله يرزقنا يارب كلنا

وموووووفقه
وعساللله يفرحج انتي واهلج بالنسبه الحلوهـ

امسك شي شي اول شي اخلص الدفاتر وتكون كل المواد كاملة دفاتري
انتقل بعدها للحفظ واحاول احفظ واسمع اول بأول قبل لاتبدي الامتحانات واللوية
وبالنسبة لأي شي ابي اشتري مااخلي بيومه لأ اشتري من اول مايطلبونه مني وافتك
التقارير واي شي بالكمبيوتر اطبعه بسرعة واسلمه وافتك

بالنسبة للمواد اقسمهم على حسب :
الانجليزي والفرنسي << مو ذاك الزود فيهم
العربي و التاريخ والجغرافيا و الاحصاء << شاطرة فيهم ويرفعوني وايد
الدستور والحاسوب والبدنية والاختياري الحر << لازم اضمن انهم كامل ومااستهين فيهم
الفلسفة << شاطرة فيه بس واايد ياخذ من وقتي فيعني كان وسط

عشان جذي شسوي الفرنسي كنت اييب مدرسة وتفهمني كل شي فمن جذي الامتحانات زينة بس بالشفوي يعني كنت احاول بس ماكنت شاطرة بالنطق
الانجليزي كنت عارفة شنو الشاطرة فيه وشنو نقطة ضعفي
بالنسبة للورقة الأولى كنت احفظ الكلمات والتعاريف المقررة عددددددددل و السيت بوك افهمه واجاوب على اسلوبي او اللي قدرت احفظه وكنت احله كله حتى لو في اسألة مو متأكدة منها بس عشان ارتاح
والقواعد للأسف يوم تخرجت عرفت قواعد وااايد كنت اغلط فيه فبين فترة وتفترة دشي على النت وحاولي تعرفين قاعدة
والمواقف مايبيلها شي
فيعني الانجليزي ماكنت انقص واااايد منه كنت اييب 25 من 28 بس كان اقل مادة :$
العربي لأني احبه وشاطرة فيه فكنت احفظ البلاغة و القصايد والآية عددددددددل عشان اضمنهم
والدروس ابطلهم وافهمهم لأن الامتحانات من فهمج مو من الدفتر موجودين و التعبير او الخاطرة شغلي خيالج وألفي وعيشي الجو ويطلع معاج درجة حلوة
القرآن مايبيله شي حفظي الأيات وعرفي سبب النزول واقريه عدل وتضمنين الدرجة الكاملة ان شاء الله
الإسلامية هذا يبيلج ماتهدين ولا حرف لأن يابوا اسألة من بين السطور فيعني لا تطوفين شي وبتضمنين الدرجة الكاملة ان شاء الله والأحاديث سمعيها مرة وحدة وارتاحي
الإحصاء كنت أحل بالصف واخليها تصلحه بنفس اليوم وكللللللش ماكنت انقل من البنات لأن هذا يبيله فهم
وحتى لو مو متأكدة من حلي اوديه واذا غلط اسألها وتفهمني شنو الغلط وانا بنفسي اصححه عشان لي يه وقت الامتحان اكون عارفة شنو اللي كنت احله
التاريخ والجغرافيا هذول حفظ وحاولي تستمتعين فيهم يعني التاريخ كان عندي احلى من الجغرافيا لأن تقدرين تتخيلين شوي :$ والتاريخ في اسألة بالكتاب ضروري تدورين اجابتهم لأن تيي بالإمتحانات
الفلسفة لا تدرسينه بيومه كللللللللش ماينفع
قسميه يومين مثلا فلسفة ويوم منطق مثلا
وكل شوي حاولي تراجعينه لأن بأيام امتحاناته كنت اقول شنو درست يعني شنو بيي والخ ………..
فراجعيه اول بأول وفهمي المنطق عدل لأنه فهم
ووو إن شاء الله مانسيت شي
بس هالله هالله بالدعاء والصلاة اولا
والراحة النفسية ثانيا
و المراجعة اول بأول ثالثا
ورابعا ونسي عمرج ولا تضغطين واااااااايد على نفسج
وووو بس

والاهم يكون قلبج حار للدراسه مو بالطقاق

ومووووفقه